ಏಕೆ ನಗುವೆ ಪ್ರಿಯೆ
ನಿನ್ನ ಮುಖದಲ್ಲಿ ಕಾಣುವ
ವಿಷಾದ ಬೇರೆಯೇ ಕಥೆ
ಹೇಳುತ್ತಿದೆ ಪ್ರಿಯೆ !
ನಿನ್ನ ನೆರಳು ನಾನು ಎಂದು
ನಿನಗೆ ತಿಳಿದಿಲ್ಲವೇ ಪ್ರಿಯೆ
ಸಪ್ತಪದಿ ತುಳಿದು ನನ್ನ
ಜೀವನದಲ್ಲಿ ನೀ ಬಂದಿರುವೆ ಎಂದು
ಮರೆತು ಹೋದೆಯೇ ಪ್ರಿಯೆ!
ನಿನ್ನ ಈ ನಗುವಿನ ಹಿಂದೆ
ಅಡಗಿದ ರಹಸ್ಯವನ್ನು ಒಮ್ಮೆ
ಹೇಳು ಪ್ರಿಯೆ
ತುಂಬಿದ ಕಣ್ಣೀರನ್ನು ಒಮ್ಮೆ
ಹೊರ ಚೆಲ್ಲು ಪ್ರಿಯೆ !
ಸುಖ ಆಗಲಿ ದುಃಖ ಆಗಲಿ
ಒಟ್ಟು ಕೂಡಿ ಬಾಳುವೆವು ಎಂಬ
ವಚನ ನೀಡಿದನ್ನು ಮರೆತೆಯೆ ಪ್ರಿಯೆ
ಹೃದಯ ಹಗುರವಾಗುವುದು
ಮಾತನ್ನು ನನ್ನೊಟ್ಟಿಗೆ ಹಂಚು ಪ್ರಿಯೆ!
by ಹರೀಶ್ ಶೆಟ್ಟಿ, ಶಿರ್ವ
No comments:
Post a Comment