ಗುಲಾಬಿ ಹೂವು

ಗೆಳತಿ...
ಇಂದು
ನೀನು ನನ್ನಿಂದ
ಬಿಡುಗಡೆ ಪಡೆದಿದ್ದರೂ
ಅಂದು
ನೀನು ಕೊಟ್ಟ
ಗುಲಾಬಿ ಹೂವು
ಇಂದೂ
ನಾನು ನಿನ್ನನ್ನು ಕುರಿತು
ಬರೆದ ಕವನಗಳ ಪುಸ್ತಕದಲ್ಲಿ ಬಂಧಿ
by ಹರೀಶ್ ಶೆಟ್ಟಿ, ಶಿರ್ವ

ಸಂಪಿಗೆಯ ಗಿಡ

ಗೆಳತಿ...
ಅಂದು
ನೀ ನೆಟ್ಟ
ಸಂಪಿಗೆಯ ಗಿಡ
ನಾನು ಪೋಷಿಸಿದ್ದೇನೆ
ಇಂದು
ಆ ಗಿಡ ಮರವಾಗಿದೆ
ಹಾಗು
ಅದರ ಹೂವಿನ ಕಂಪು
ನನ್ನ ತುಂಡು ಹೃದಯದ ಮದ್ದಾಗಿದೆ
by ಹರೀಶ್ ಶೆಟ್ಟಿ, ಶಿರ್ವ

ನಿಸರ್ಗದ ಸೌಂದರ್ಯ

ಗೆಳತಿ.....
ಅಂದು
ಪ್ರೀತಿಯ ಆ ದಿನಗಳಲ್ಲಿ
ನನಗೆ
ನದಿ ಸರೋವರ
ಪರ್ವತ
ಪ್ರಾಣಿ ಪಕ್ಷಿಗಳು
ಗಿಡ ಮರಗಳು
ವೃಕ್ಷದ ನೆರಳು
ಮುಂಜಾನೆಯ ಸೂರ್ಯ
ರಾತ್ರಿಯ ಚಂದಿರ ನಕ್ಷತ್ರಗಳು
ಎಲ್ಲವೂ ಎಷ್ಟು ಸುಂದರವಾಗಿ ಕಾಣುತ್ತಿತ್ತು......
ಆದರೆ ಇಂದು...
ನಿಸರ್ಗದ
ಈ ಎಲ್ಲ ಸೌಂದರ್ಯಗಳನ್ನು
ಕಣ್ಣೀರ ಕಣ್ಣುಗಳಿಂದ
ನೋಡುವಾಗ
ಎಲ್ಲವೂ
ಮಸುಕಾಗಿ ಕಾಣುತ್ತದೆ......
by ಹರೀಶ್ ಶೆಟ್ಟಿ, ಶಿರ್ವ

ಉದ್ಯಾನದ ಹೂಗಳು

ಅವಳಿಲ್ಲದೆ
ಉದ್ಯಾನದ ಹೂಗಳು ಈಗ ಶಾಂತವಾಗಿದೆ
ಅಂದು
ತನ್ನ ಪರಿಮಳ ಬೀರುತ್ತಿದ್ದ
ಮಲ್ಲಿಗೆ, ಸಂಪಿಗೆ, ಗುಲಾಬಿ ಹೂಗಳು
ಇಂದು
ನನ್ನನ್ನು ಅನುಕಂಪದಿಂದ ನೋಡುತ್ತಿದೆ  !
by ಹರೀಶ್ ಶೆಟ್ಟಿ, ಶಿರ್ವ

ನರಕ ಬಾದೆ

ಅಂದು
ವಿನಃ ಕಾರಣ ನಿನ್ನ ಅವಮಾನ ಮಾಡಿ
ನಿನ್ನನ್ನು ನನ್ನಿಂದ ದೂರ ಮಾಡಿದೆ
ಇಂದು
ಅದೇ ಕಾರಣ ನಾನು ಅನುಭವಿಸುತ್ತಿದ್ದೇನೆ
ಸಹಿಸಲಾಗದ ನರಕ ಬಾದೆ
by ಹರೀಶ್ ಶೆಟ್ಟಿ, ಶಿರ್ವ

ರಜೆಯ ದಿವಸ

ಅಂದು
ರಜೆಯ ದಿವಸ
ಮನೆಯಲ್ಲಿ
ನಿನ್ನೊಂದಿಗೆ ಹಬ್ಬದ ವಾತಾವರಣ
ಇಂದು
ನೀನಿಲ್ಲದೆ ರಜೆಯಲ್ಲಿ ನಾನು
ಕೇವಲ ಹಳೆ ನೆನಪು
ಬೇಸರ ದುಃಖಗಳ ಶರಣ
by ಹರೀಶ್ ಶೆಟ್ಟಿ, ಶಿರ್ವ

ಬರಡು ಗೋರಿ

ಅಂದು
ನನ್ನ ಹೃದಯ ಮಂದಿರದಲ್ಲಿ
ದಿನ ರಾತ್ರಿ
ನಿನ್ನದೆ ಹಾಜರಿ
ಇಂದು
ನೀನಿಲ್ಲದೆ
ನನ್ನ ತುಂಡಾದ ಹೃದಯ
ಬರಡು ಗೋರಿ
by ಹರೀಶ್ ಶೆಟ್ಟಿ, ಶಿರ್ವ

ಹಬ್ಬದಂದು

ಅಂದು
ಹಬ್ಬದಂದು ನಿನ್ನೊಂದಿಗೆ ಎಷ್ಟೊಂದು ಉಲ್ಲಾಸ
ಇಂದು
ಹಬ್ಬದಂದು ನನಗೆ ಕೇವಲ ಏಕಾಂತದ ವಾಸ
by ಹರೀಶ್ ಶೆಟ್ಟಿ, ಶಿರ್ವ

ದೇವರ ಸ್ಥಾನ

ಅಂದು
ನಾವು ಸತತ ಒಟ್ಟಿಗೆ
ದೇವರನ್ನು ಕಾಣಲು ಹೋಗುತ್ತಿದ್ದೆವು ದೇವಸ್ಥಾನ
ಇಂದು
ನನ್ನ ವಾಸವೆ ದೇವಸ್ಥಾನ
ಕಾಣುವೆ ಕೇವಲ ನಿನ್ನನ್ನೆ ದೇವರ ಸ್ಥಾನ
by ಹರೀಶ್ ಶೆಟ್ಟಿ, ಶಿರ್ವ

ಕವಿತೆ

ಅಂದು
ನಿನ್ನ ಪ್ರೀತಿಯಲಿ ಪ್ರಯತ್ನಪಟ್ಟು ಕವಿತೆ ಕಟ್ಟುತ್ತಿದ್ದೆ
ಇಂದು
ನಿನ್ನ ಅಗಲಿಕೆಯಲಿ ಸುಲಭವಾಗಿ ಕವಿತೆ ಹುಟ್ಟುತ್ತಿದೆ
by ಹರೀಶ್ ಶೆಟ್ಟಿ, ಶಿರ್ವ

ನಿನ್ನ ಪತ್ರ

ಅಂದು
ನೀನು ನನಗೆ ಕೊಟ್ಟ
ಮೊದಲ ಪತ್ರ ನೋಡಿ
ಹರ್ಷದಿಂದ ಹುಚ್ಚು ಹಿಡಿದ ಹಾಗೆ ನಲಿದಿದ್ದೆ
ಇಂದೂ
ಆ ಪತ್ರ ನನ್ನ ಹತ್ತಿರ ಇದೆ
ಆದರೆ  ಅದರಲ್ಲಿ
ಬರೆದ ಪದಗಳು ಕಣ್ಮರೆಯಾಗಿದೆ 
by ಹರೀಶ್ ಶೆಟ್ಟಿ, ಶಿರ್ವ

ಕಣ್ಣ ಸರೋವರ

ಅಂದು

ನಾನು ಸುಂದರ ಭವಿಷ್ಯದ 

ಕನಸು ಕಾಣುತ

ನಿನ್ನ ಕಣ್ಣ ಸರೋವರದಲಿ ಈಜುತ್ತಿದೆ

ಇಂದು

ಆ ತುಂಡಾದ ಕನಸು

ನನ್ನ ಕಣ್ಣಿಂದ 

ದುಃಖದ ಮಹಾ ಸಾಗರವಾಗಿ ಹರಿಯುತ್ತಿದೆ

by ಹರೀಶ್ ಶೆಟ್ಟಿ, ಶಿರ್ವ

ಆಳವಾದ ಗಾಯ

ಅಂದು
ನಿನ್ನ ನೋವನ್ನು
ನನ್ನ ನೋವೆಂದು ಭಾವಿಸಿ
ಸಂತೋಷದಿಂದ ಅನುಭವಿಸುತ್ತಿದ್ದೆ
ಇಂದು
ನೀನು ನನ್ನ ಹೃದಯಕ್ಕೆ
ಆಳವಾದ ಗಾಯ ಕೊಟ್ಟು
ತಾಳಲಾರದ ನೋವನ್ನು ಅನುಭವಿಸುತ್ತ ಇದ್ದೇನೆ
by ಹರೀಶ್ ಶೆಟ್ಟಿ, ಶಿರ್ವ

ಕಣ್ಣೀರ ನದಿ

ಅಂದು
ನಿನ್ನ ಪ್ರೀತಿಯಲಿ  
ನಿನ್ನ ಕಣ್ಣೀರ ಅಮೃತವನ್ನು ಕುಡಿದು
ನನ್ನ ಪ್ರೀತಿ ಅಮರ ಎಂದು ತಿಳಿದಿದ್ದೆ
ಇಂದು
ನನ್ನಿಂದ
ನೀನು ದೂರವಾದ ನಂತರ
ನನ್ನ ಕಣ್ಣೀರ ನದಿ ಸತತ ಹರಿಯುತ್ತಿದೆ
by ಹರೀಶ್ ಶೆಟ್ಟಿ, ಶಿರ್ವ

ಸೂರ್ಯಾಸ್ತದ ಸಮಯ

ಅಂದು
ಸೂರ್ಯಾಸ್ತದ ಸಮಯ
ಸೂರ್ಯ ಮುಳುಗಿದ ನಂತರವೂ
ಕೇವಲ ನಿನ್ನ ಮುಖದ 
ಕಾಂತಿಯಿಂದಲೇ
ಜೀವನ ಬೆಳಗುತ್ತಿತ್ತು
ಇಂದು
ಸೂರ್ಯಾಸ್ತದ ಸಮಯ
ಸೂರ್ಯ ಮುಳುಗಿದಂತೆ 
ನನ್ನ ಹೃದಯವು ಮುಳುಗುತ್ತದೆ
by  ಹರೀಶ್ ಶೆಟ್ಟಿ, ಶಿರ್ವ

ಮುಖಚಿತ್ರ

ಅಂದು
ನಿನ್ನ ಮುಖದ ಅಂದವನ್ನು ನೋಡುತ
ಸಂತೋಷದಿಂದ
ಕಾಲ ಕಳೆಯುತ್ತಿದ್ದೆ
ಇಂದು
ಕೇವಲ ನಿನ್ನ ಮುಖಚಿತ್ರ ನೋಡಿ
ದುಃಖದಿಂದ
ಕಾಲ ಕಳೆಯುತ್ತಿದ್ದೇನೆ
by ಹರೀಶ್ ಶೆಟ್ಟಿ, ಶಿರ್ವ

ನೀನು ಅಲ್ಲಿ ನಾನು ಇಲ್ಲಿ

ಅಂದು
ನಾನು ನಿನ್ನಲ್ಲಿ
ನೀನು ನನ್ನಲ್ಲಿ
ಇಂದು
ನೀನು ಅಲ್ಲಿ
ನಾನು ಇಲ್ಲಿ
by ಹರೀಶ್ ಶೆಟ್ಟಿ, ಶಿರ್ವ

ಕರವಸ್ತ್ರ

ಅಂದು
ನೀ ನನ್ನನ್ನು
ಮರೆಯ ಬೇಡ
ಎಂದು ಕೊಟ್ಟ ಕರವಸ್ತ್ರ
ಇಂದು
ನನ್ನ ಕಣ್ಣೀರು
ಒರೆಸಲು
ಬಳಸುತ್ತಿದ್ದೇನೆ
by ಹರೀಶ್ ಶೆಟ್ಟಿ, ಶಿರ್ವ

ನಿನ್ನದೆ ನೆನಪು

ಅಂದು
ನೀನು ಮುಡಿದ
ಮಲ್ಲಿಗೆ ಹೂವಿನ
ಪರಿಮಳದಲ್ಲಿ ನನಗೆ
ಸ್ವರ್ಗ ಲೋಕದ ಅನುಭವ
ಮನಕ್ಕೆ ಮುದ ನೀಡುತಿತ್ತು
ಇಂದು
ಮಲ್ಲಿಗೆಯ ಹೂವಿನ
ಪರಿಮಳದಲ್ಲೂ ನನಗೆ 
ನರಕ ಯಾತನೆ
ನಿನ್ನದೆ ನೆನಪು ಕಾಡುತ್ತದೆ 
by ಹರೀಶ್ ಶೆಟ್ಟಿ, ಶಿರ್ವ

ಕನಸು

ಅಂದು
ನಿನ್ನ ಮಡಿಲಲ್ಲಿ
ತಲೆ ಇಟ್ಟು
ಕಣ್ಣು ಮುಚ್ಚಿ
ಕನಸು ಕಾಣುತ್ತಿದೆ
ಇಂದು ಮುರಿದ ಕನಸುಗಳನ್ನು ನೆನಪಿಸಿ
ನನ್ನ ತಲೆದಿಂಬಲ್ಲಿ
ತಲೆ ಇಟ್ಟು
ಭಾರ ಹೃದಯದಿಂದ
ಕಣ್ಣೀರು ಸುರಿಸುತ್ತಿದ್ದೇನೆ
by ಹರೀಶ್ ಶೆಟ್ಟಿ, ಶಿರ್ವ