ಶ್ರೇಷ್ಟನಾಗಲು

ಕೆಲವರು ಹೊಗಳಿ ಶ್ರೇಷ್ಟನಾಗಲು ಪ್ರಯತ್ನಿಸುತ್ತಾರೆ, ಕೆಲವರು ತೆಗಳಿ ಶ್ರೇಷ್ಟನಾಗಲು ಪ್ರಯತ್ನಿಸುತ್ತಾರೆ. ಒಟ್ಟಾರೆ ಬಹುತೇಕ ಜನರಲ್ಲಿ ನಾನೇ ಎಂಬ ಅಹಂ ಭಾವ.
by ಹರೀಶ್ ಶೆಟ್ಟಿ, ಶಿರ್ವ

ಅಪ್ಪ

ಇಂದು 
ಸಾವಿರಾರು ತರಹದ 
ಬಿಸ್ಕೆಟ್ ಇದೆ ಮಾರ್ಕೆಟಲ್ಲಿ 
ಆದರೆ ಬಾಲ್ಯದಲ್ಲಿ 
ಅಪ್ಪ ಸಂತೆಯಿಂದ ಬರುವಾಗ 
ಪೇಪರಲ್ಲಿ ಮಡಚಿ ತರುವ 
ಆ ಎರಡು ತುಂಡು 
ಬಿಸ್ಕೆಟಿನ ರುಚಿ 
ಜಗದ ಯಾವ ಬಿಸ್ಕೆಟ್ ತಿಂದರು ಸಿಗದು 
by ಹರೀಶ್ ಶೆಟ್ಟಿ, ಶಿರ್ವ

ನಮಗೆ ನಾವೇ ಪ್ರೇರಣೆ

ನಮಗೆ ನಾವೇ ಪ್ರೇರಣೆ
ನಮ್ಮ ತಪ್ಪುಗಳೆ ನಮ್ಮ ಮಾರ್ಗದರ್ಶಕ
ನಮ್ಮ ಆತ್ಮ ಸಂತುಷ್ಟಿಯೆ ನಮ್ಮ ಪ್ರಶಂಸೆ 
ನಮ್ಮ ಕೈಗಳೆ ನಮ್ಮ ಸೊತ್ತು 
ನಮ್ಮ ದೇಹವೆ ನಮ್ಮ ಸಾಮ್ರಾಜ್ಯ
ನಮ್ಮ ನಾಲಗೆ ನಮ್ಮ ಶಸ್ತ್ರ 
ನಮ್ಮ ಹೃದಯದ ನುಡಿಯೆ ಸತ್ಯ ನುಡಿ 
ನಮ್ಮ ಕಣ್ಣೀರು ನಮ್ಮ ನೋವು 
ನಮ್ಮ ಭಯ ನಮ್ಮ ರೋಗ 
ನಮ್ಮ ಧೈರ್ಯವೆ ನಮ್ಮ ಔಷದಿ 

ನಮ್ಮ ಛಲ ನಮ್ಮ ಗೆಲುವು
ನಮ್ಮ ಆಲಸ್ಯ ನಮ್ಮ ಸೋಲು 
ನಮ್ಮ ಹಠ, ಕೋಪ ನಮ್ಮ ಶತ್ರು 
ನಮ್ಮ ತಾಳ್ಮೆ ನಮ್ಮ ಮಿತ್ರ 
by ಹರೀಶ್ ಶೆಟ್ಟಿ, ಶಿರ್ವ

ನಿನ್ನ ಉತ್ಸಾಹ

ಒಹ್ ಮನವೆ
ಅವಸರಿಸದಿರು 
ನಿನ್ನ ಉತ್ಸಾಹ 
ನಿನ್ನ ವೈರಿ 
ಆಗದಿರಲಿ 
ನಿನ್ನ ಕಾರ್ಯದಕ್ಷತೆಯ ಮೇಲೆ 
ಶಂಕೆ ಮೂಡದಿರಲಿ 
by ಹರೀಶ್ ಶೆಟ್ಟಿ, ಶಿರ್ವ

ದುಷ್ಟತೆ

ಸರ್ಪ ಕಾರುವುದು ವಿಷ ವಿನಃ ಅಮೃತವಲ್ಲ 
ಕಹಿ ಬೇವು ಸಿಹಿ ರುಚಿ ನೀಡದು 
ಕಲ್ಮಶ ತುಂಬಿದ ಹೃದಯದಿಂದ ಪ್ರೀತಿ ಒಸರದು 
ಕಾಗೆ ಕೋಗಿಲ ಸ್ವರದಲಿ ಹಾಡಲಾರದು
ಪಾಳು ಬಾವಿಯಿಂದ ನೀರು ಸಿಗದು 
ನಂಜು ಬಸಿರು ಮಾಡಿದಲ್ಲಿ ಸಹೃದಯತೆ ಹುಟ್ಟದು
by ಹರೀಶ್ ಶೆಟ್ಟಿ, ಶಿರ್ವ

ಚಿಂತೆ

ಚಿಂತೆಯುಕ್ತ ಜೀವನ ವಿಷದ ಪೊಟ್ಟಣ , ಚಿಂತೆಮುಕ್ತ ಜೀವನ ಸಿಹಿ ಅಮೃತ ಸಮಾನ...

ಧನ ತೇರಸ್

ಚಿನ್ನ ಖರೀದಿ ಮಾಡುವುದಕ್ಕಿಂತ ಚಿನ್ನದಂತ ಮುದ್ದು ಅನಾಥ ಮಕ್ಕಳಿಗೆ ವಸ್ತ್ರ, ಆಹಾರ ನೀಡುವುದು ಇಂದಿನ ಪವಿತ್ರವಾದ ದಿನ "ಧನ ತೇರಸ್" ದಿವಸದ ಉತ್ತಮ ಸದುಪಯೋಗ

ಗೆಳೆತನ

ಗೆಳೆತನಕ್ಕೆ 

ಜಾತಿ ಇಲ್ಲ 

ಧರ್ಮ ಇಲ್ಲ 

ಗೆಳೆತನ ಒಂದು ಪವಿತ್ರ ಸಂಬಂಧ 

ಅದಕ್ಕೆ ಬೇಡ ಯಾವುದೇ ಜಾತಿ ಧರ್ಮದ ಬಂಧ 

by ಹರೀಶ್ ಶೆಟ್ಟಿ, ಶಿರ್ವ 

ಮುತ್ತಿನಂತ ಮಾತುಗಳು

ಕಪ್ಪೆಯ ಬೆಟ್ಟದ ತುದಿಗೆ ತಲುಪುವ ಸ್ಪರ್ಧೆ ಜರಗಿತು.
ಎಲ್ಲಾ ಕಪ್ಪೆಗಳು, ಇದು ಅಸಾಧ್ಯ ಎಂದು ಕೂಗಿದರು, ಆದರೆ ಒಂದು ಕಪ್ಪೆ ಬೆಟ್ಟದ ತುದಿಗೆ ತಲುಪಿತು.
ಹೇಗೆ?
ಅ ಕಪ್ಪೆ ಕಿವುಡ ಆಗಿತ್ತು.
*ನಕಾರಾತ್ಮಕ ಟೀಕೆ ಟೀಕೆ ಟಿಪ್ಪಣಿಗಳಿಗೆ ಕಿವುಡರಾಗಿ".

-------------------------------------------------

 

ಅಳಿಲು ಬೀಜವನ್ನು ಹೆಕ್ಕಿ ಮಣ್ಣಲ್ಲಿ ಮುಚ್ಚಿಟ್ಟು ನಂತರ ಮರೆತು ಹೋಗುವುದರಿಂದ ಈ ವಿಶ್ವದಲ್ಲಿ ಲಕ್ಷಾಂತರ ಮರಗಳು ಆಕಸ್ಮಿಕವಾಗಿ ಬೆಳೆಯುತ್ತದೆ,

"ಒಳ್ಳೆಯ ಕಾರ್ಯ ಮಾಡಿ ಹಾಗು ಮರೆತು ಬಿಡಿ" .

________________________________________________

ಅದು ನನ್ನ ,ಇದು ನಿನ್ನ , ನಮ್ಮದೇನೂ ಇಲ್ಲಿ ಇಲ್ಲ ಚಿನ್ನ
ಹೋದ ನಂತರ, ಉಳಿಯುವುದಿಲ್ಲ ಏನೂ ,ಎಲ್ಲವೂ ಸೇರುವುದು ಮಣ್ಣ

ಪ್ರೀತಿ ವಿಶ್ವಾಸ

ಪ್ರೀತಿ ವಿಶ್ವಾಸ ಇಲ್ಲದ ಸಂಬಂಧ.........ತೂತು ಇದ್ದ ನೀರಿನ  ಮಡಕೆಯಂತೆ ....
by  ಹರೀಶ್ ಶೆಟ್ಟಿ, ಶಿರ್ವ