ಕವಿತೆ ದಿನ

ಇಂದು ಕವಿತೆ ದಿನ ಎಂದು ನೆನಪಾಯಿತು, 

ತನ್ನಿಂತಾನೆ ಕೈ ಲೇಖನಿ ಕಡೆ ಹೋಯಿತು, 

ಎಲ್ಲಿಂದಲೋ ಮಲ್ಲಿಗೆಯ ಸುವಾಸನೆ ಬರಲಾರಂಭಿಸಿತು. 

ಹರೀಶ್ ಶೆಟ್ಟಿ, ಶಿರ್ವ

ಚಿತ್ರ ಕೃಪೆ : ಗೂಗಲ್ 

ಅವನ ವ್ಯಥೆ

ಅವನು ಹಾಕಿದ ಧಾನ್ಯಗಳನ್ನು 
ಹೆಕ್ಕಿ ತಿನ್ನಲು ಬರುವುದಿಲ್ಲ ಈಗ ಆ ಹಕ್ಕಿಗಳು,
ಅವನ ವ್ಯಥೆಯ ಅರಿವಿದೆ ಆ ಹಕ್ಕಿಗಳಿಗೆ 
ಅವಳಿಲ್ಲದೆ 
ಆ ಮನೆಯಲ್ಲಿ ಅಕ್ಕಿ ಬೇಯುವುದಿಲ್ಲವೆಂದು 
ತಿಳಿದಿದೆ ಅವುಗಳಿಗೆ 

by ಹರೀಶ್ ಶೆಟ್ಟಿ,ಶಿರ್ವ

ಉದ್ಯಾನದ ಹೂಗಳು

ಅವಳಿಲ್ಲದೆ
ಉದ್ಯಾನದ ಹೂಗಳು ಈಗ ಶಾಂತವಾಗಿದೆ
ಅಂದು
ತನ್ನ ಪರಿಮಳ ಬೀರುತ್ತಿದ್ದ
ಮಲ್ಲಿಗೆ, ಸಂಪಿಗೆ, ಗುಲಾಬಿ ಹೂಗಳು
ಇಂದು
ನನ್ನನ್ನು ಅನುಕಂಪದಿಂದ ನೋಡುತ್ತಿದೆ  !
by ಹರೀಶ್ ಶೆಟ್ಟಿ, ಶಿರ್ವ

ಅಂಧಕಾರ

ಈಗ ಬೆಳಕಲ್ಲಿ ನನಗಿಲ್ಲ ಇಷ್ಟ
ಅವಳಿಲ್ಲದೆ ಜೀವನದಲ್ಲಿ ಕೇವಲ ಅಂಧಕಾರ
ಕತ್ತಲು ನನ್ನ ಅದೃಷ್ಟ
by ಹರೀಶ್ ಶೆಟ್ಟಿ, ಶಿರ್ವ

ಕಣ್ಣೀರಿಗೆ ಕೋಪ

ನನ್ನ ಕಣ್ಣೀರಿಗೆ ಸಹ ನನ್ನಿಂದ ಕೋಪ
ವ್ಯರ್ಥ ಅವಳಿಗಾಗಿ ಹರಿಸುತ್ತಿದ್ದೇನೆ ಎಂದು
by ಹರೀಶ್ ಶೆಟ್ಟಿ, ಶಿರ್ವ

ಸಂಜೆಯ ಸಮಯ

ಸಂಜೆಯ ಸಮಯ
ಸೂರ್ಯ ಸೋತು ನಡೆದ ಮೀಯಲು
ಅವಳಿಲ್ಲದೆ ನಾನೂ ನಡೆದೆ ವ್ಯರ್ಥ ಅಲೆದಾಡಲು
by ಹರೀಶ್ ಶೆಟ್ಟಿ, ಶಿರ್ವ

ಕನ್ನಡಿಯ ಪ್ರತಿಬಿಂಬ

ನಾನು ನೋಡುವ ಕನ್ನಡಿಯಲ್ಲೂ ಪ್ರತಿಬಿಂಬ ಅವಳದೆ
ಜೀವನ ಚಿತ್ರ ಇಲ್ಲದ ಖಾಲಿ ಚೌಕಟ್ಟು ಅವಳಿಲ್ಲದೆ
by ಹರೀಶ್ ಶೆಟ್ಟಿ, ಶಿರ್ವ

ಅವಳೇ ಪ್ರೇರಣೆ

ಅವಳಿಲ್ಲದೆ ಮನಸ್ಸಲಿ ಮೂಡುತಿದೆ ಅನೇಕ ಕಾವ್ಯ ರಚನೆ
ಅದಕ್ಕೂ ಹೃದಯದಲಿ ವಾಸವಾಗಿದ ಅವಳೇ ಪ್ರೇರಣೆ
by ಹರೀಶ್ ಶೆಟ್ಟಿ, ಶಿರ್ವ

ಅವಳಿಲ್ಲವೆಂದು

ಮುಂಜಾನೆ ಎದ್ದಾಗ ಅರ್ಧ ನಿದ್ದೆಯಲಿ ಕರೆದೆ ಅವಳನ್ನು
ಎಚ್ಚರಾದಾಗ ನೆನಪಾಯಿತು ಅವಳಿಲ್ಲವೆಂದು
by ಹರೀಶ್ ಶೆಟ್ಟಿ, ಶಿರ್ವ

ನಾನಾದೆ ತಬ್ಬಲಿ

ಅವಳಿಲ್ಲ ಬಳಿ

ಅವಳಿಲ್ಲದೆ ನಾನಾದೆ ತಬ್ಬಲಿ

by ಹರೀಶ್ ಶೆಟ್ಟಿ, ಶಿರ್ವ

ದೋಸೆಯ ಪರಿಮಳ

ಮುಂಜಾನೆಯ ಗಳಿಗೆ
ನೆರೆ ಮನೆಯಿಂದ ಬರುತ್ತಿದೆ ದೋಸೆಯ ಪರಿಮಳ
ಮನೆಯಲ್ಲಿಲ್ಲ ಅಡುಗೆ
ಅವಳಿಲ್ಲದೆ ತಿನ್ನುವ ಆಸೆಯು ಇಲ್ಲ ಮನಸ್ಸಲಿ ಕೇವಲ ವಿಚಾರ ಅವಳ
by ಹರೀಶ್ ಶೆಟ್ಟಿ, ಶಿರ್ವ

ಮುಂಜಾನೆಯ ಬೆಳಕು

ಮುಂಜಾನೆಯ ಬೆಳಕು
ಗಿಡ, ಮರ, ಹಕ್ಕಿಗಳಲ್ಲಿ ತುಂಬಿತು ಜೀವನ ಛಲ
ಅವಳಿಲ್ಲದೆ ನನ್ನ ಬದುಕು
ಒಣಗಿದ ಸರೋವರ ಇಲ್ಲ ಅದರಲ್ಲಿ ಜಲ
by ಹರೀಶ್ ಶೆಟ್ಟಿ, ಶಿರ್ವ

ದ್ವಾರದಲ್ಲಿ ಭಿಕ್ಷುಕ

ದ್ವಾರದಲ್ಲಿ  ಭಿಕ್ಷುಕನೊಬ್ಬ ಬಂದಿದ
ನನ್ನನ್ನು ನೋಡಿ ಅವನ ಮುಖದಲಿ ಮೂಡಿತು ಮಂದಹಾಸ
ಹೇಳಿದ "ಅಮ್ಮ ಇನ್ನೂ ಬರಲಿಲ್ಲವೇ,ಯಾವಾಗ ಮುಗಿಯುವುದೋ ನನ್ನ ಉಪವಾಸ "
by ಹರೀಶ್ ಶೆಟ್ಟಿ, ಶಿರ್ವ

ನನ್ನದು ಏನಿಲ್ಲ

ನನ್ನದು ಏನಿಲ್ಲ ಈಗ ಈ ಮನೆಯಲ್ಲಿ
ಅವಳು ಹೋಗುವಾಗ ಸುಖ, ನೆಮ್ಮದಿ, ಎಲ್ಲವೂ ಒಟ್ಟಿಗೆ ಹೊರಟು ಹೋಗಿದೆ
by ಹರೀಶ್ ಶೆಟ್ಟಿ, ಶಿರ್ವ

ನನ್ನ ಪ್ರೀತಿ

ಪ್ರೀತಿಯನ್ನು ಹುಡುಕುತ್ತಿದ್ದೆ
ಅವಳು ಹೋದ ನಂತರ ತಿಳಿಯಿತು
"ಅವಳೇ ನನ್ನ ಪ್ರೀತಿಯೆಂದು "
by ಹರೀಶ್ ಶೆಟ್ಟಿ, ಶಿರ್ವ

ಬಂಗಾರದ ಒಡವೆ

ಕಪಾಟಿನಲ್ಲಿ ಅವಳ ಬಂಗಾರದ ಒಡವೆಗಳನ್ನು ಕಂಡೆ
ಅವಳು ತನ್ನ ಎಲ್ಲ ಒಡವೆಗಳನ್ನು ಬಿಟ್ಟು ಹೋಗಿದ್ದಳು
ನನಗೆ ಅವಳು ಹೇಳಿದ ಮಾತು ನೆನಪಾಯಿತು
"ನೀವೆ ನನ್ನ ಬಂಗಾರ, ಈ ಒಡವೆಗಳಲ್ಲ " ವೆಂದು..
by ಹರೀಶ್ ಶೆಟ್ಟಿ, ಶಿರ್ವ

ಅವಳು ಬಂದಳೆಂದು

ಬಾಗಿಲ ಶಬ್ದ ಕೇಳಿ ಅವಳು ಬಂದಳೆಂದು ಓಡೋಡಿ ಹೋದೆ
ಅಂಚೆ ಅಣ್ಣ ಬಂದಿದ....ಅವಳ ಕಾಗದ ಕೊಡಲು ಅಲ್ಲ....
ದೀಪಾವಳಿಯ ಕೊಡುಗೆ ಕೇಳಲು ...
by ಹರೀಶ್ ಶೆಟ್ಟಿ, ಶಿರ್ವ

ಶಾಂತ ಒಲೆ

ಅಡುಗೆ ಮನೆಯಲ್ಲಿ ಶಾಂತ ಒಲೆ
ಅವಳಿಲ್ಲದೆ ಪಸರಿದೆ ಶಾಂತತೆಯ ಅಲೆ
by ಹರೀಶ್ ಶೆಟ್ಟಿ, ಶಿರ್ವ

ನನ್ನದೇ ಚಿಂತೆ

ಅವಳು ಬಿಟ್ಟು ಹೋಗುವಾಗಲು ನನ್ನದೇ ಚಿಂತೆ
ಹೇಳಿದು ಇಷ್ಟೇ ....
"ದಯವಿಟ್ಟು ನಿಮ್ಮ ಆರೋಗ್ಯದ ಕಾಳಜಿ ಇಡಿ "
by ಹರೀಶ್ ಶೆಟ್ಟಿ, ಶಿರ್ವ

ಹಳೆ ಪತ್ರ

ಪುಸ್ತಕದಲ್ಲಿ ಹಳೆ ಪತ್ರ ಒಂದು ಸಿಕ್ಕಿತು
ಅದರಲ್ಲಿ ಅವಳು ತಮಾಷೆಯಿಂದ ಬರೆದದ್ದು ಈಗ ಸತ್ಯವೆಂದು ಎನಿಸಿತು
"ನನ್ನನ್ನು ಬಿಟ್ಟು ನೀವು ಇರಲಾರರು "
by ಹರೀಶ್ ಶೆಟ್ಟಿ, ಶಿರ್ವ