ಹೇ ಸೂರ್ಯನೆ,

ಹೇ ಸೂರ್ಯನೆ,

ಸ್ವಲ್ಪ ತಾಳ ಬಾರದಿತ್ತೆ 
ಬದುಕು ಇನ್ನೂ ಇತ್ತಲ್ಲವೆ ಬಾಕಿ 
ಹೇಗೋ ಕಳೆಯಬಹುದಿತ್ತು ಸಮಯ ಉಳಿದದ್ದು 
ಏಕೆ ಇಷ್ಟು ಬೇಗ ಅಸ್ತವಾದೆ ಎಲ್ಲವನ್ನೂ ತೊರೆದು!

ಈಗ ಕತ್ತಲು ಎಲ್ಲೆಡೆ
ಪ್ರೇಮ ಕಮಲ ಬಾಡಿದೆ 
ಇನೆಷ್ಟೋ ಅದಕ್ಕೆ ಬರಲಿದೆ ಅಡೆತಡೆ
ಸ್ವಲ್ಪ ಯೋಚಿಸ ಬಾರದಿತ್ತೆ !

ಈಗ ಮೊಗ್ಗು ಸೂರ್ಯಕಾಂತಿಯ ಗತಿ ಏನು
ಅರಳುವ ಮೋಹ ಹೃದಯದಲ್ಲಿಯೇ ಉಳಿಯುವುದೋ ಏನೋ
ಇಷ್ಟು ಸ್ವಾರ್ಥಿ ಹೇಗೆ ಆದೆ ನೀನು
ಸ್ವಲ್ಪ ಧೈರ್ಯ ಇಟ್ಟುಕೊಳ್ಳ ಬಾರದಿತ್ತೆ !

ಕಡಲ ಮೋಹ ನಿನಗೇಕಾಯಿತು ಅಷ್ಟು
ಬಾನಲ್ಲೆ ಇದ್ದು ಮೆರೆಯುತ್ತಿದ್ದರೆ ಖುಷಿ ನಮಗಾಗುತ್ತಿತ್ತು ಎಷ್ಟು
ಇನ್ನು ಈ ವೇದನೆ ಮಾಜುವುದು ಹೇಗೆ ಯಾರಿಗೆ ಗೊತ್ತು
ಸ್ವಲ್ಪ ನಮ್ಮ ಮೇಲೆ ಬಾಂಧವ್ಯ ಇಟ್ಟುಕೊಳ್ಳ ಬಾರದಿತ್ತೆ!

ಪುನಃ ಉದಯವಾಗುವುದು ನಿನ್ನ ನಿಯಮ
ಪುನಃ ಉದಯವಾಗುವೆ ಎಂಬ ನಿರೀಕ್ಷೆ ನಮ್ಮ
ಕನಸಾಗಿ ಉಳಿಯಲಾರೆ ಎಂಬ ಆಶಯ ನಮ್ಮ
ಸ್ವಲ್ಪ ನಮ್ಮ ಈ ಆಸೆ ಈಡೇರಿಸುವೆಯೇ !
by ಹರೀಶ್ ಶೆಟ್ಟಿ, ಶಿರ್ವ