ಇನ್ನು ದೂರ ಇರುವೆ ನಿನ್ನಿಂದ
ಹಲವು ಪ್ರೇಮ ಸಂದೇಶ ಕಳಿಸಿದ ನಿನಗೆ
ನಿನ್ನಿಂದ ಒಂದೂ ಉತ್ತರವಿಲ್ಲದ ಮೇಲೆ
ಇನ್ನು ನಿನ್ನ ಹೃದಯ ಮಿಡಿಯುವುದೆಂದು
ಸುಮ್ಮನೆ ಅಪೇಕ್ಷಿಸುವುದಕ್ಕೆ ಏನು ಅರ್ಥವಿಲ್ಲ
ನಾನು ನಿನ್ನ ಮನೆಯ ಸುತ್ತ ಮುತ್ತ ಅಲೆದು
ದಿನ ನಿನ್ನ ಗೋಡೆಯಲಿ ನನ್ನ ಹೆಸರು ಬರೆಯುವೆ
ಆದರೆ ನೀನು ನನ್ನ ಮನೆಯಲಿ ಇಣುಕಿಯೂ ನೋಡದ ಮೇಲೆ
ಇನ್ನು ನೀನು ಬರುವುದನ್ನು
ಸುಮ್ಮನೆ ಕಾಯುವುದಕ್ಕೆ ಏನು ಅರ್ಥವಿಲ್ಲ
ನೀನು ನನ್ನ ಮನ ಮಂಧಿರದಲ್ಲಿರುವೆ
ಆದರೆ ನಿನ್ನ ಹೃದಯದಲ್ಲಿ ನಾನಿಲ್ಲ
ಇನ್ನು ಎಂದೋ ಎಲ್ಲಿಯೋ ದಾರಿಯಲಿ ಸಿಕ್ಕಿದರೆ
ನೀನು ಅತ್ತ ಸಾಗು ನಾನು ಇತ್ತ ಸಾಗುವೆ
ನಾವು ಒಂದಾಗದ ಈ ಸ್ಥಿತಿಯಲ್ಲಿ
ಸುಮ್ಮನೆ ಕೊರಗುವುದಕ್ಕೆ ಏನು ಅರ್ಥವಿಲ್ಲ
by ಹರೀಶ್ ಶೆಟ್ಟಿ, ಶಿರ್ವ
No comments:
Post a Comment