Thursday, 10 October, 2013

ಕಣ್ಣೀರ ಹನಿ ಹನಿಸು

ಗೆಳತಿ 
ನಿನ್ನ ಕಣ್ರೆಪ್ಪೆಯಲಿ 
ಅಡಗಿಸಿದ 
ಕಣ್ಣೀರ ಹನಿ ಹನಿಸು 

ನಿನ್ನ ಅಧರದಲಿ 
ಕಾಣುವ 
ಮಿಥ್ಯ ನಗುವನ್ನು ಅಳಿಸು 

ನಿನ್ನ ಹೃದಯದಲಿ 
ಹೂಳಿದ 
ಅಜ್ಞಾತ ರಹಸ್ಯವನ್ನು ತಿಳಿಸು

ನಿನ್ನ ತಗ್ಗಿದ 
ಶಿರವನ್ನು 
ಸ್ವಲ್ಪ ಎತ್ತಿ ತನ್ನನ್ನು ನಿವಾರಿಸು 

ನಿನ್ನ ಮನಸ್ಸಿನ 
ವ್ಯಥೆ 
ನನ್ನೊಂದಿಗೆ ಹಂಚಿ ರೋದಿಸು 

ಹರಿಯ ಬಿಡು 
ಈ ಅಶ್ರು ಧಾರೆ 
ಇಲ್ಲಾದರೆ 
ಒಂದು ವೇಳೆ 
ನಿನ್ನ ತಾಳ್ಮೆ ಕುಸಿದರೆ 
ಕಣ್ಣೀರ ಚಂಡಮಾರುತ ಬಂದು 
ಎಲ್ಲವನ್ನೂ ಕಸಿದುಕೊಂಡು ಹೋಗಬಹುದು 

by ಹರೀಶ್ ಶೆಟ್ಟಿ,ಶಿರ್ವ

No comments:

Post a Comment