ನನಗೇನು ಬೇಸರವಿಲ್ಲ

ಬೀಜ ಬಿತ್ತು
ನೀರು ಹಾಕಿ ಸಾಕಿದೆ
ಗಿಡವಾಗಿ ಬೆಳೆದು
ಮರವಾದ ನಂತರ
ಹಣ್ಣು ಕೊಡದಿದ್ದರೂ ವ್ಯಥೆ ಇಲ್ಲ
ಕರ್ತವ್ಯ ನಿಭಾಯಿಸುವವನಿಗೆ ಫಲದ ಆಸೆ ಇಲ್ಲ
ನನಗೇನು ಬೇಸರವಿಲ್ಲ !

ಸೂರ್ಯ ನನ್ನದಲ್ಲ
ಆದರೆ ಅದರಿಂದ ಸಿಗುವ ಕಿರಣ ನನ್ನದು
ಬಿಸಿಲ ಕೊಟ್ಟು
ಬೆವರು ಹೀರಿದರೂ ತೊಂದರೆ ಇಲ್ಲ
ಶ್ರಮ ಜೀವಿಗೆ ಕಷ್ಟದ ಪರವೆ ಇಲ್ಲ
ನನಗೇನು ಬೇಸರವಿಲ್ಲ!

ಸ್ನೇಹ ಅಮರ
ಜನುಮದ ಬಂಧನ
ಬಳಿ ಬಂದು
ದೂರ ಮಾಡಿದರೂ ಚಿಂತೆ ಇಲ್ಲ
ಪ್ರೀತಿ ಹೃದಯದಲಿ ಕಹಿ ಇಲ್ಲ
ನನಗೇನು ಬೇಸರವಿಲ್ಲ !
by ಹರೀಶ್ ಶೆಟ್ಟಿ, ಶಿರ್ವ