ಅಲ್ಲಲ್ಲಿ ಎಲ್ಲೆಲ್ಲಿ
ನಾನು ಗಾಳಿ !
ನನಗಿಲ್ಲ ತಡೆ
ತಿರುಗುವೆ ಎಲ್ಲ ಕಡೆ
ನಾನು ಎಲ್ಲೆಡೆ !
ನನಗಿಲ್ಲ ಭಯ
ನನಗಿಲ್ಲ ಸಮಯ
ನಾನು ಅಭಯ !
ನನಗಿಲ್ಲ ಊರು ಕೇರು
ನನಗಿಲ್ಲ ಪುರ ಪಟ್ಟಣ
ನಾನು ಹೋದಲ್ಲಿ ಪ್ರಯಾಣ !
ನನಗಿಲ್ಲ ಮನೆ ಮಠ
ನನಗಿಲ್ಲ ಸ್ಥಿರ ನಿವಾಸ
ನಾನು ಅಲೆಮಾರಿ !
ನನಗಿಲ್ಲ ವ್ಯಥೆ ಚಿಂತೆ
ನನಗಿಲ್ಲ ಆಸೆ ಆಕಾಂಕ್ಷೆ
ನಾನು ನಿಶ್ಚಿಂತ !
ನನಗಿಲ್ಲ ದಿನ ರಾತ್ರಿ
ನನಗಿಲ್ಲ ನಿದ್ರೆ ಆಲಸ್ಯ
ನಾನು ಶಾಶ್ವತ ಯಾತ್ರಿ !
by ಹರೀಶ್ ಶೆಟ್ಟಿ, ಶಿರ್ವ
No comments:
Post a Comment