ಪ್ರೀತಿಯ ದೋಣಿ

ಗೆಳತಿ 
ಅನ್ಯರ ಮಾತು ಕೇಳಿ 
ನೀನು 
ನನ್ನಿಂದ 
ಕೋಪಿಸಿಕೊಂಡು
ನಿರ್ಲಕ್ಷಿಸುವುದು ಸರಿಯೇ ?

ನಾನು ಈಗಲೂ ನಿನ್ನನ್ನು 
ಪ್ರೀತಿಸುವೆಯೆಂದು 
ಸಾಬೀತು ಮಾಡಲು 

ಪದೇ ಪದೇ
ನನ್ನಿಂದ ಪುರಾವೆ 
ಕೇಳುವುದು ಸರಿಯೇ ?

ನಿನ್ನನ್ನು 
ನನ್ನ ಹೃದಯದಿಂದ 
ಹೊರ ದೂಡಲು 
ಇದು ಬಾಡಿಗೆಯ ಮನೆ ಅಲ್ಲ 
ಕಾಯಂ ಆಗಿ ನಿನ್ನ 
ಪ್ರೇಮಮೂರ್ತಿ 
ಸ್ಥಾಪಿಸಿದ ಮಂದಿರ ಇದು 
ನನ್ನ ಭಕ್ತಿಯನ್ನು 
ಶಂಕಿಸುವುದು ಸರಿಯೇ ?

ನೀನು ಹೇಳಿದರೆ 
ನಾ ಹೋಗುವೆ ನಿನ್ನಿಂದ ದೂರ 
ಆದರೆ ನಮ್ಮ 
ಪವಿತ್ರ ಪ್ರೀತಿ ದೋಣಿಯನ್ನು 
ಅಭಿಮಾನ ಅನುಮಾನದ ಸಾಗರದಲ್ಲಿ 
ಮುಳುಗಿಸುವುದು ಸರಿಯೇ ?
by ಹರೀಶ್ ಶೆಟ್ಟಿ, ಶಿರ್ವ