ಹಣ್ಣಾಗಿ ಬೆಳೆದೆ
ಯೌವನ ತುಂಬಿ
ಸುಂದರ ಫಲವಾದೆ !
ಸುಖವಾಗಿದ್ದೆ
ತಾಯಿಯ ಸುಂದರ
ದಷ್ಟ ಪುಷ್ಟ ಗೆಲ್ಲಲ್ಲಿ
ಸುಂದರ ರೂಪ ಪಡೆದು!
ಒಡಹುಟ್ಟಿದವರು ಸುತ್ತ ಮುತ್ತ
ಎಲೆ ಅಣ್ಣಂದಿರ ರಕ್ಷಣೆ
ದಿನ ರಾತ್ರಿ
ಹಾಯಾಗಿತ್ತು ಜೀವನ !
ಅಮ್ಮ ನೆರಳಲ್ಲಿ
ಬಂದು ತಂಗುವರು ಅನೇಕರು
ಕೆಲವರ ದೃಷ್ಟಿ ಕಪಟ
ಬಾಯಲ್ಲಿ ನೀರೂರಿಸಿ ನೋಡುವರು ನನಗೆ !
ಎಸೆದು ಕಲ್ಲ ದೃಷ್ಟಿ ನನ್ನಲ್ಲಿ
ಕಿತ್ತಾಕಲು ನೋಡುವರು
ಅಣ್ಣಂದಿರು ರಕ್ತ ರಂಜಿತ
ನನ್ನನ್ನು ರಕ್ಷಿಸಿ ಕೊನೆ ಉಸಿರೆಳೆದರು !
ಅಮ್ಮ ನಿಸ್ಸಹಾಯ
ಕಣ್ಣೀರಿಟ್ಟು ನೋಡುತ್ತಿದ್ದಳು
ಮೃದು ಗೊಂಬೆ ನಾನು
ಎಷ್ಟು ಸಮಯ ಪ್ರತಿಭಟಿಸಲಿ !
ತಾಯಿಯ ಮಡಿಲ ಶಾಖೆಯಿಂದ
ಅಗಲಿ ಕೆಲ ಬಿದ್ದೆ
ನೇರ ಆ ಕಾಮ ಪಿಶಾಚಿಯರ
ದುಷ್ಟ ಬಾಹು ಬಂಧನಕ್ಕೆ!
by ಹರೀಶ್ ಶೆಟ್ಟಿ, ಶಿರ್ವ
No comments:
Post a Comment