ಒಹ್ ಕವಿಯೇ

ಬರೆಯಲು ಇನ್ನೇನು ವಿಷಯಗಳಿಲ್ಲವೇ ಕವಿಯೇ 
ಅಡುಗೆ ಮನೆಯ ಸಾಸಿವೆಗಳನ್ನೆಲ್ಲ ತಂದು ಇಲ್ಲಿ ಬಿತ್ತಿದಿ 
ಕವಿತೆ ಕವನವಾಗಿ ಮೊಳಕೆ ಹೊಡೆದದ್ದು ದ್ವೇಷ ಮಾತ್ರ 
ಹೌದು ಜ್ಞಾನಿ ನೀನು 
ಇತರರೆಲ್ಲ ಧರ್ಮಾಂಧರು
ಏನನ್ನು ಸಾಧಿಸುವುದರಲ್ಲಿದ್ದಿ
ಏನು ಇದರಿಂದ ಜ್ಞಾನಪೀಠ ಪುರಸ್ಕಾರ ಸಿಗುವುದು ಎಂದೆನ್ನುವೆಯಾ
ತನ್ನನ್ನು ಸಾಹಿತಿ ಎನ್ನುವೆ
ಯಾವ ರೀತಿಯ ಸಾಹಿತ್ಯ ಇದು 
ಪದಗಳ ಲಾಲಿತ್ಯ ಎಲ್ಲಿ ಮಾಯವಾಗಿದೆ 
ನಿಸರ್ಗದ ಸೌಂದರ್ಯ
ಪರಿಸರದ ನೋಟ
ಆಕಾಶದ ಅಂದ
ಇದೆಲ್ಲಾ ಇಂದು ನಿನಗೆ ಕಾಣುವುದಿಲ್ಲವೇ
ಕಟು ವಚನ
ಅರ್ಧ ಸತ್ಯ
ದ್ವೇಷ, ಅಹಂಕಾರದ ಬಾಣಗಳು
ಗಾಯಗೊಳ್ಳುವುದು ಓದುಗರು
ಕೊಲ್ಲಬೇಡ ಕವಿಯೇ ಕೊಲ್ಲಬೇಡ
ನಿನ್ನ ಓದುಗರನ್ನು ಕೊಲ್ಲಬೇಡ

by ಹರೀಶ್ ಶೆಟ್ಟಿ,ಶಿರ್ವ