ಕೆಲವೊಮ್ಮೆ ಎನಿಸುತ್ತದೆ

ಕೆಲವೊಮ್ಮೆ ಎನಿಸುತ್ತದೆ
ಎಲ್ಲೊ ಹೋಗಿ
ಶಾಂತತೆಯಲಿ ಕುಳಿತು
ತನ್ನ ಜೀವನವನ್ನು
ಪರಿಶೀಲಿಸ ಬೇಕೆಂದು !

ನಾನು ಗಳಿಸಿದ್ದು ಏನು ?
ನಾನು ಕಳೆದುಕೊಂಡದ್ದು ಏನು ?
ನನ್ನ ಕುಟುಂಬಕ್ಕಾಗಿ ನಾನು ಮಾಡಿದ್ದೇನು ?
ನನ್ನ ಸಮಾಜಕ್ಕಾಗಿ ನಾನು ಮಾಡಿದ್ದೇನು ?
ನನ್ನ ದೇಶಕ್ಕಾಗಿ ನಾನು ಮಾಡಿದ್ದೇನು ?

ನಾನು ಯಾರೆಂದು ?
ನಾನು ಭೂಮಿಗೆ ಬಂದದ್ದು ಯಾಕೆ ?
ನನ್ನ ಈ ಜೀವನ ವ್ಯರ್ಥವೆ ?
ನನ್ನ ಈ ಜೀವನ ಸಾರ್ಥಕವೆ ?
ನನ್ನ ಈ ಜೀವನ ಉಪಯುಕ್ತವೆ ?

ನಾನು ಸತ್ಯಸಂಧನೆ ?
ನಾನು ಸುಳ್ಳುಗಾರನೆ ?
ನಾನು ಒಳ್ಳೆ ಮಗನೆ ?
ನಾನು ಒಳ್ಳೆ ಗಂಡನೆ ?
ನಾನು ಒಳ್ಳೆ ತಂದೆಯೇ ?

ಕೆಲವೊಮ್ಮೆ ಎನಿಸುತ್ತದೆ
ಎಲ್ಲೊ ಹೋಗಿ
ಶಾಂತತೆಯಲಿ ಕುಳಿತು
ತನ್ನ ಜೀವನವನ್ನು
ಪರಿಶೀಲಿಸ ಬೇಕೆಂದು !
by ಹರೀಶ್ ಶೆಟ್ಟಿ, ಶಿರ್ವ