ವೃದ್ಧಾಶ್ರಮ ೬

ಬೆಳಿಗ್ಗೆ ಅಮ್ಮನಿಗೆ ಫಿಸಿಯೋಥೆರಪಿ ಕೊಡಲು ಡಾಕ್ಟರ್ ಬಂದಿದ್ದರು ಹಾಗು ಕೆಲವು ಸಮಯ ಅಮ್ಮನಿಂದ ಕೈ ಕಾಲಿನ  ವ್ಯಾಯಾಮ ಮಾಡಿಸಿ ಸ್ವಲ್ಪ ಕೈ ಹಿಡಿದು ನಡೆಸಿದರು, ಅಮ್ಮ ಈ ಎಲ್ಲ ಪ್ರಕ್ರಿಯೆ ಆಸಕ್ತಿಯಿಲ್ಲದೆ ಮಾಡುತ್ತಿದ್ದರು.

ಡಾಕ್ಟರ್ ತನ್ನ ಕೆಲಸ ಮುಗಿಸಿದ ನಂತರ ರಮೇಶನಿಗೆ "ನೋಡಿ ಇವರನ್ನು ದಿನಾಲೂ ಕೆಳಗೆ ಕರೆದುಕೊಂಡೋಗಿ ಹಾಗು ಇವರನ್ನು ನಡೆಸಿ, ಸ್ವಲ್ಪ ಶರೀರಕ್ಕೆ ವ್ಯಾಯಾಮ ಬೇಕೇ ಬೇಕು ಇಲ್ಲದಿದ್ದರೆ ಶರೀರ ಜಡವಾಗುತ್ತದೆ, ಸೊ ಪ್ಲೀಸ್ ಟೇಕ್ ಕೇರ್ ಒಫ್ ಹರ್".

ರಮೇಶ "ಓ.ಕೆ  ಸರ್, ಡಾಕ್ಟ್ರೇ ನಾವು ಇವರನ್ನು ಊರಿಗೆ ಕರೆದುಕೊಂಡು  ಹೋಗುವ ವಿಚಾರ ಮಾಡಿದ್ದೇವೆ, ಅವರ ಈಗಿನ ಸ್ಥಿತಿಯಲ್ಲಿ ಅವರನ್ನು ಕರೆದುಕೊಂಡು ಹೋಗಬಹುದ"? 

ಡಾಕ್ಟರ್ "ಸೀ..... ಬಿಕೌಸ್ ಒಫ್ ಪ್ಯಾರಾಲಿಸಿಸ್ ಹರ್ ಹಾಫ್ ಬಾಡಿ ಇಸ್ ಸ್ಟಿಲ್ ನಾಟ್ ಫಂಕ್ಶನಿಂಗ್ ವೆಲ್, ಬಟ್ ನೌ ಐ ಫೈಂಡ್ ಲಿಟಲ್ ಬಿಟ್ ಮೂವ್ಮೆಂಟ್  ಇನ್ ಹರ್ ಆಫ್ಫೆಕ್ಟ್ದ್ ಸೈಡ್ , ಕೈ ಹಿಡಿದು ಅವರನ್ನು ದಿನನಿತ್ಯ ನಡೆಸಿದರೆ ಸುಧಾರಣೆಯ ಚಾನ್ಸಸ್ ಹೆಚ್ಚಿದೆ, ನನ್ನ ಪ್ರಕಾರ ಊರಿಗೆ ಕರೆದುಕೊಂಡು ಹೋಗುವುದೇ ಒಳ್ಳೆಯದ್ದು ಯಾಕೆಂದರೆ ಹಿಯರ್ ಇನ್ ಸಚ್ ಆ ಸ್ಮಾಲ್ ಹೌಸ್ ಅವರಿಗೆ ಕಷ್ಟ ಆಗಬಹುದು, ಊರಿನಲ್ಲಿ ದೊಡ್ಡ ದೊಡ್ಡ ಮನೆ ಇರುತ್ತದೆ, ಹೋಪ್ ನಿಮ್ಮ ಮನೆ ಸಹ ದೊಡ್ಡದಿರಬೇಕು, ಸೊ ಶಿ ಕ್ಯಾನ್ ಫೀಲ್ ಕಾಂಫೊರ್ಟ್ ಓವರ್ ದೇಯರ್, ಬಟ್ ಯು ಹ್ಯಾವ್ ಟು ಬಿ ವೆರಿ ಕೇರ್ಫುಲ್ ವಾಯ್ಲ್ ಟ್ರಾವೆಲ್ಲಿಂಗ್, ಡೆಫಿನೇಟಲಿ ನಿಮಗೆ ಕಷ್ಟ ಆಗಬಹುದು, ಬಿಕೌಸ್ ಇಟ್ಸ್ ನಾಟ್ ಈಜಿ ಟಾಸ್ಕ್ ಫಾರ್ ಯು".

ರಮೇಶ "ಥಾಂಕ್ ಯು ಡಾಕ್ಟರ್, ಕಷ್ಟ ಏನಿಲ್ಲ ಸರ್, ಎನಿಥಿಂಗ್ ಫಾರ್ ಮದರ್,ಐ ವಿಲ್ ಮ್ಯಾನೇಜ್" ಎಂದು ರಮೇಶ್ ಅವರ ಫೀಸ್ ಕೊಟ್ಟ.

ಡಾಕ್ಟರ್ "ಥ್ಯಾಂಕ್ಸ್, ವೆಲ್ ಟೇಕ್ ಕೇರ್, ಐ ಟೇಕ್ ಆ ಲೀವ್ ನೌ" ಎಂದು ಡಾಕ್ಟರ್ ಅಲ್ಲಿಂದ ತೆರಳಿದರು. 

ಡಾಕ್ಟರ್ ಹೋದ ನಂತರ ರಮೇಶ "ನೋಡಿದೀರಾ ಅಮ್ಮ ಡಾಕ್ಟರ್ ಏನು ಹೇಳುತ್ತಾರೆ ಸರಿ ನಡೆಯಬೇಕೆಂದು, ನೀವು ಹಾಸಿಗೆಯಿಂದ ಏಳಲಿಕ್ಕೆ ಕೇಳುವುದಿಲ್ಲ".

ಅಮ್ಮ "ಅವನಿಗೇನು, ಹೇಳುವುದು ಅವನ ಕೆಲಸ, ನನಗೇಷ್ಟು ಕಷ್ಟ ಆಗುತ್ತದೆ ಅವನಿಗೇನು ಗೊತ್ತು".

ರಮೇಶ "ಆದರೂ ಸ್ವಲ್ಪ ಸ್ವಲ್ಪ ಕುಳಿತುಕೊಂಡಲ್ಲಿಯೇ ಕೈ ಕಾಲಿನ ವ್ಯಾಯಾಮ ಮಾಡಬೇಕಮ್ಮ, ಸ್ವಲ್ಪ ಸ್ವಲ್ಪ ನಡೆದರೆ ನಿಮಗೆ ಸಹ ಒಳ್ಳೆಯದಲ್ಲವೇ ".

ಅಮ್ಮ "ಇದೆಲ್ಲ ಬಿಡು, ಟಿಕೆಟ್ ಮಾಡಿದ್ದೀಯಾ"? 

ರಮೇಶ "ಮಾಡುತ್ತೇನೆ, ಮೊದಲು ಊರಿಗೆ ಒಂದು ಫೋನ್ ಮಾಡುತ್ತೇನೆ".

ಅಮ್ಮ ಕೋಪದಿಂದ" ಫೋನ್ ಮಾಡುವ ಅಗತ್ಯವಿಲ್ಲ, ನೀನು ಟಿಕೆಟ್ ಮಾಡು" ಅಮ್ಮನ ಧ್ಯಾನ ಈಗಲೂ ಊರಿನಲ್ಲಿಯೇ ಇತ್ತು, ಪುನಃ ಅದೇ ಹಠ ಮಾಡಲು ಶುರು ಮಾಡಿದರು. 

ವಯಸ್ಸಾದ ನಂತರ ಜನರು ಮಕ್ಕಳಂತೆಯೇ ಹಠ ಮಾಡುತ್ತಾರೆ, ಭಾವನಾತ್ಮಕವಾಗಿ ಅವರಿಗೆ ಹೆಚ್ಚು ಗಮನ, ಆರೈಕೆಯ ಅಗತ್ಯ ಇರುತ್ತದೆ, ಮನಸ್ಸಲ್ಲಿ ಹಲವು ವಿಚಾರ ಬರುತ್ತಿರುತ್ತದೆ, ಬೇಗ ಆತಂಕಕ್ಕೊಳಾಗುತ್ತಾರೆ, ಮನಸ್ಸಲ್ಲಿ ಅಸಮಾಧಾನ ಹೆಚ್ಚಾಗುತ್ತದೆ, ಅವರ ಮೆದುಳು ನಿಧಾನವಾಗಿ ಕಾರ್ಯ ಮಾಡುತ್ತದೆ, ಆದ್ದರಿಂದ ಅವರು ಪುಟ್ಟ ಮಕ್ಕಳಂತೆಯೇ ವರ್ತಿಸುತ್ತಾರೆ.  

ರಮೇಶ ಅಮ್ಮನಿಗೆ "ಓ.ಕೆ, ಓ.ಕೆ  ಮಾಡುತ್ತೇನೆ, ನೀವು ಆರಾಮ್ ಮಾಡಿ" ಎಂದು ಹೇಳಿ ರಮೇಶ ಅಮ್ಮನ ಕೋಣೆಯಿಂದ ಹೊರಗೆ ಬಂದ.

(ಮುಂದುವರಿಯುತ್ತದೆ)

by ಹರೀಶ್ ಶೆಟ್ಟಿ, ಶಿರ್ವ

ಚಿತ್ರ ಕೃಪೆ : ಗೂಗಲ್