ಕೆಂಪು ಬೀದಿ

ಕೆಂಪು ಬೀದಿ
ರಸಹೀನ ಅಧರ
ಶುಷ್ಕ ನಗು
ಬಾಡಿದ ಮುಖ
ಕೃತ್ರಿಮ ಸೌಂದರ್ಯ
ಹೊಲಸು ಮಂಚ
ಸುಳ್ಳು ಪ್ರೀತಿಗೆ ಕರೆ

ಹಣ ಖರ್ಚು ಮಾಡಿ
ಪ್ರೀತಿ ಕೊಳ್ಳುವೀರೋ  ?
ಅನುಮತಿ ಬೇಡ, ನಿಮ್ಮಿಚ್ಛೆ

ಅಭ್ಯಾಸ ಇದೆ ಅವರಿಗೆ
ಇದೇ ಅವರ ವ್ಯವಸಾಯ
ಇದರಲ್ಲಿಯೇ ಅವರ ಆದಾಯ
ಇದು ಅವರ ಅಸಹಾಯಕತೆ
ಹಲವು ಕಣ್ಣೀರ ಕಥೆ
ಕೇಳಬೇಕಾಗಬಹದು ಅವರ ವ್ಯಥೆ
ಸಿದ್ಧರಿದ್ದೀರಾ?

ಹಣ ಖರ್ಚು ಮಾಡಿ
ವಿಶ್ರಾಂತಿ ಪಡೆದುಕೊಳ್ಳುವೀರೋ?
ಅನುಮತಿ ಬೇಡ, ನಿಮ್ಮಿಚ್ಛೆ

ಪ್ರೀತಿ ಆಗಬಹುದು ನಿಮಗೆ
ಕ್ಷಣಿಕ ಸುಖ ಸಿಗಬಹುದು ನಿಮಗೆ
ಇದೇ ಸ್ವರ್ಗವೆಂಬ ಭಾವನೆ ಮೂಡಬಹುದು ನಿಮ್ಮಲ್ಲಿ
ಆದರೆ ಜಾಗೃತೆ,
ಭಾವನಾತ್ಮಕ ಬಂಧನದಲ್ಲಿ ಸಿಕ್ಕಿಬೀಳಬಹುದು ನೀವು
ನಿಮ್ಮ ಮನೆತನವನ್ನೂ ಮರೆಯಬಹುದು ನೀವು
ನಿಮ್ಮನ್ನೂ ನೀವು ಮರೆಯಬಹುದು
ಏನಂತೀರಿ?

ಹಣ ಖರ್ಚು ಮಾಡಿ
ಕೆಂಪು ದಾರಿಯಲಿ ಹೋಗುವೀರೋ ?
ಅನುಮತಿ ಬೇಡ, ನಿಮ್ಮಿಚ್ಛೆ

by ಹರೀಶ್ ಶೆಟ್ಟಿ, ಶಿರ್ವ