ವಿಚ್ಛೇದನ

ಸ್ಮರಿಸುತ್ತಿದ್ದೆ
ಪುನಃ ಆ ದಿವಸಗಳನ್ನು
ಮನಸ್ಸನ್ನು ಸೋತ
ಆ ಕ್ಷಣಗಳನ್ನು,
ಪರಸ್ಪರ ಭಾವನೆಗಳು
ಸ್ಪಂದಿಸಿದನ್ನು,
ನದಿ ತೀರದಲಿ
ಕೈಯಲ್ಲಿ ಕೈ ಹಿಡಿದು
ನಡೆದಾಡುತ ಕಂಡ
ಆ ಒಂದು ಕನಸ್ಸನ್ನು,
ಮದುವೆಯ ಗೌಜಿಯಲಿ
ಡೋಲು ಶಹನಾಯಿಗಳ ಸ್ವರವನ್ನು,
ರಮಣೀಯ ಸ್ಥಳದಲಿ
ಹಿಮದ ಪರ್ವತದಲಿ
ಎರಡು ಹೃದಯ
ಕರಗಿ ಒಂದಾದುದನ್ನು,
ಮನೆ ಅಂಗಳದಲಿ
ಓಡಾಡುತ್ತಿರುವ
ಪುಟ್ಟ ಮಗುವನ್ನು,

ನ್ಯಾಯಾಧೀಶರ
ಆರ್ಡರ್ ಆರ್ಡರ್
ಎಂಬ ಧ್ವನಿ ಕೇಳಿ
ಪ್ರಸ್ತುತ ಸನ್ನಿವೇಶ
ಅರಿವಿಗೆ ಬಂತು
ಕೋರ್ಟಿನ ಆ ಕಡೆ
ಅವಳಿದ್ದಳು
ಈ ಕಡೆ ನಾನಿದ್ದೆ

by ಹರೀಶ್ ಶೆಟ್ಟಿ, ಶಿರ್ವ