ಸಂತೋಷಕ್ಕೆ ಮಿತಿಯೇ ಇಲ್ಲ
ಬರುತ್ತಿದ್ದಾನೆ
ವಿದೇಶದಿಂದ ನನ್ನ ನಲ್ಲ
ಹಾರುತ್ತಿದೆ
ಎತ್ತರದಲಿ
ನನ್ನ ಹೃದಯದ ಗಾಳಿಪಟ
ಬೀಸುತ್ತಿದೆ
ಹರ್ಷದ ತಂಗಾಳಿ
ನಿಲ್ಲಲಾರದು ನನ್ನಆನಂದದ ಓಟ
ಪಾದಗಳು ನನ್ನ ನಿಯಂತ್ರಣದಲ್ಲಿಲ್ಲ
ಇಂದು ನನ್ನ
ಸಂತೋಷಕ್ಕೆ ಮಿತಿಯೇ ಇಲ್ಲ...
ಕಾದು ಕಾದು
ಕಂಗಳು ಸೋತುಹೋಗಿತ್ತು
ಇಂದು ಸಿಕ್ಕಿದೆ ಕಂಗಳಿಗೆ ಹೊಳಪು
ಏಕಾಂತ ಏಕಾಂತ
ಜೀವನ ನೀರಸವಾಗಿತ್ತು
ಇಂದು ಜೀವನದಲಿ ಹರಡಿದೆ ಹೊಸ ಕಂಪು
ಹೊಸ ಚೇತನದಿಂದ ತುಂಬಿದೆ ಮೈಯೆಲ್ಲ
ಇಂದು ನನ್ನ
ಸಂತೋಷಕ್ಕೆ ಮಿತಿಯೇ ಇಲ್ಲ...
by ಹರೀಶ್ ಶೆಟ್ಟಿ, ಶಿರ್ವ
ಚಿತ್ರ ಕೃಪೆ : ಗೂಗಲ್
No comments:
Post a Comment