ನನ್ನ ಪಟ್ಟಣದ ಹೊಸ ಮನೆಗೆ
ಏಕೆ ಮುಂಜಾನೆ ಕಿಟಕಿಯಲಿ
ನಿನ್ನ ಕಲರವ ಕೇಳುವುದಿಲ್ಲ
ಊರಲ್ಲಿ ದಿನನಿತ್ಯ ನೀನು
ನನ್ನ ಮನೆಗೆ ಬರುತ್ತಿದ್ದೆ
ನಿನ್ನ ಮಧುರ ಧ್ವನಿ
ಕೇಳಿಯೇ ನಾನು ಕಣ್ಣು ತೆರೆಯುತ್ತಿದ್ದೆ
ಊರ ಮರಗಳಲ್ಲಿ
ಅದೆಷ್ಟು ನಿನ್ನ ಗೂಡುಗಳು
ಗದ್ದೆಯಲ್ಲಿ ದುಡಿಯುವಾಗ
ಆಯಾಸ ಮರೆಸುತಿತ್ತು ನಿನ್ನ ಹಾಡುಗಳು
ಈಗ ಎಲ್ಲಿ ಹೋಗಿರುವೆ ನೀನು?
ನಿನಗೆ ಭಯವೇ ಈ ಪಟ್ಟಣದಿಂದ?
ಇಲ್ಲಿಯ ದೂಷಿತ ಗಾಳಿಯಿಂದ?
ಇಲ್ಲಿಯ ಕೊಳಕು ನೀರಿನಿಂದ?
ಹೌದು, ನೀನೇಕೆ ಬರುವೆ ಇಲ್ಲಿಗೆ
ಸ್ವಚ್ಚಂಧ ಗಾಳಿಯಲಿ ಉಸಿರಾಡುವ ನೀನು
ಝರಿ ನದಿಯ ಶುಭ್ರ ನೀರು ಕುಡಿಯುವ ನೀನು
ಏಕೆ ಬರುವೆ ಈ ಉಸಿರು ಕಟ್ಟುವ ವಾತಾವರಣದಲಿ
by ಹರೀಶ್ ಶೆಟ್ಟಿ, ಶಿರ್ವ
ಗುಬ್ಬಚ್ಚಿ ಮತ್ತು 'ನಾನು' ಎಂದಿಗೂ ಹೋಲಿಕೆಯ ತಕ್ಕಡಿಗೆ ಹಾಕಲೇಬೇಕಾದ ವಿಚಾರಗಳು.
ReplyDeleteನಾಗರೀಕರಣ ಮತ್ತು ಗುಂಪಿನಲ್ಲೂ ಒಂಟಿತನದ ರೋಗಕ್ಕೆ ತುತ್ತಾದ ನಮಗೆ ಅವುಗಳ ಕಣ್ಮರೆ ದೊಡ್ಡ ಸುದ್ದಿಯೇ ಅಲ್ಲ ಎಂಬುದು ನೋವಿನ ವಿಚಾರ.
ತುಂಬಾ ಧನ್ಯವಾದಗಳು ಬದರಿ ಸರ್.
ReplyDeleteಹಾಡುಗಳು ತುಂಬಾ ಸುಂದರವಾಗಿವೆ,
ReplyDelete..
ಹಾಗೆಯೇ ನನ್ನ ಪುಟ್ಟ ಬ್ಲಾಗಿಗೂ ಒಮ್ಮೆಯಾದರೂ ಬೇಟಿ ನೀಡಿ.........
http://spn3187.blogspot.in/
ಧನ್ಯವಾದಗಳು ಶಿವಕುಮಾರ್'ರವರೆ, ಖಂಡಿತ ನಿಮ್ಮ ಬ್ಲಾಗ್ ವಿಸಿಟ್ ಮಾಡುವೆ.
ReplyDelete