Wednesday 27 June 2012

ಹಕ್ಕಿಯ ಆಸೆ

ಸಣ್ಣದೊಂದು ಗೂಡು
ಸಣ್ಣ ಕುಟುಂಬ
ಒಣ ಹುಲ್ಲಿನ ಮೃದು ಶಯನ
ಎತ್ತರ ಎತ್ತರ ಹಾರಿ
ಆಕಾಶ ಮುಟ್ಟಬೇಕೆಂದು !

ತನಗೆ ಹಾಗು ತನ್ನ
ಪರಿವಾರ ಗೋಸ್ಕರ
ಸಿಕ್ಕಿದ್ದನ್ನು ಹೆಕ್ಕಿ ತಂದು
ತಿಂದು ತೃಪ್ತಿಯಿಂದ
ಜೀವನ ಕಳೆಯಬೇಕೆಂದು !

ತಾನು ಇಟ್ಟ ಮೊಟ್ಟೆಗೆ
ವಾತ್ಸಲ್ಯದ ಕಾವು ಕೊಟ್ಟು
ತನ್ನ ಮರಿಯನ್ನು
ಹೊರ ಬರುವುದನ್ನು
ನೋಡಿ ಸಂತೋಷ ಪಡಬೇಕೆಂದು !

ದೇವರು ನೀಡಿದ
ಈ ಪುಟ್ಟ ಬದುಕಿನ
ಒಂದೊಂದು ಕ್ಷಣ
ಸುಖ ಶಾಂತಿಯಿಂದ
ಆನಂದದಿಂದ ಅನುಭವಿಸ ಬೇಕೆಂದು !
by ಹರೀಶ್ ಶೆಟ್ಟಿ, ಶಿರ್ವ

No comments:

Post a Comment