ಹೀಗೆಯೇ ಯೋಚಿಸುತ್ತಿದ್ದೇನೆ
ಯೋಚನೆಯ ಸೂರ್ಯ
ತಲುಪಿತು ಗತ ಜೀವನದಲಿ !
ಪ್ರೀತಿಯಲ್ಲಾದ ಸೋಲಿನಿಂದ
ಸ್ವತಃ ನನ್ನನ್ನೇ ಮರೆತ್ತಿದ್ದೇನೆ
ಆದರೂ ಇಂದೂ ಕೇವಲ
ಅವಳದ್ದೇ ವಿಚಾರ ಮನಸ್ಸಲ್ಲಿ !
ತುಂಡಾದ ಹೃದಯವನ್ನು
ಕಣ್ಣೀರಿಂದ ಮೀಯಿಸುತ್ತಿದ್ದೇನೆ
ಆದರೂ ಆ ಎಲ್ಲ ನೆನಪುಗಳು
ಇಂದೂ ಅಡಗಿದೆ ಆದೇ ಹೃದಯದಲಿ!
ತೀರದ ಬಯಕೆಗಳನ್ನು
ಮನದ ಬುಟ್ಟಿಯಲ್ಲಿ ಬಚ್ಚಿಟ್ಟಿದ್ದೇನೆ
ಆದರೂ ಆಸೆಯ ಅಲೆಗಳು
ಅಪ್ಪಳಿಸುತ್ತದೆ ಈ ದುರ್ಬಲ ಮನಸ್ಸಲಿ!
ಅನೇಕ ಗಾಯಗಳ ವೇದನೆಯಲಿ
ಇಂದೂ ಬಳಲುತ್ತಿದ್ದೇನೆ
ಆದರೂ ಬದುಕು ಹೀಗೆಯೇ ವ್ಯರ್ಥ ಮಾಡುತ್ತಿದ್ದೇನೆ
ಪ್ರೀತಿ ಎಂಬ ಔಷದಿಯ ಹುಡುಕಾಟದಲಿ!
by ಹರೀಶ್ ಶೆಟಿ, ಶಿರ್ವ
No comments:
Post a Comment