ಸ್ವಲ್ಪ ಆಶ್ಚರ್ಯಪಟ್ಟೆ
ಅವಳು ನಗುವುದು ಸಹಜ
ಆದರೆ ಇಂದು ಸ್ವಲ್ಪ ಅಸಹಜ
ನನ್ನ ಅವಳಲ್ಲಿ ಯಾವ ಬಂಧವೋ
ಅವಳನ್ನು ಕಂಡು ತಿಳಿದೇ
ಏನೋ ಮಾತಿದೆ ಎಂದು
ಅವಳನ್ನು ಕೇಳಿದೆ
ಅವಳು ಪುನಃ ನಕ್ಕು ನುಡಿದಳು
ಏನಿಲ್ಲ ಎಂದು
ಆದರೆ ನನಗೆ ಖಾತ್ರಿ
ಏನೋ ಅಡಗಿಸುತ್ತಿದ್ದಾಳೆ ಎಂದು
ಇವಳ ನಗುವಿನ ಹಿಂದೆ ಅಡಗಿದ
ರಹಸ್ಯ ಏನು
ಯಾಕೋ ನನಗೆ ದುಃಖ ಉಕ್ಕಿ ಬಂತು
ಅವಳನ್ನು ವೇದನೆಯಲ್ಲಿ ನಾ ನೋಡಲಾರೆ
ಇದು ಅವಳಿಗೂ ಗೊತ್ತು
ಅದಕ್ಕೆ ಅವಳು ನಗುವುದು
ಕೋಪದಿಂದ ಒಳ ಕೋಣೆಗೆ ಹೋದೆ
ಅಲ್ಲೊಂದು ಪತ್ರ ಇತ್ತು
ನನ್ನ ಸೇನೆಯ ಪರವಾಗಿ
"ಈಗಲೇ ಬನ್ನಿ ,ಯುದ್ದ ಪ್ರಾರಂಭವಾಗಲಿದೆ ಎಂದು "
ಒಂದೇ ಕ್ಷಣದಲ್ಲಿ ನನಗೆ ಎಲ್ಲ ಅರ್ಥವಾಯಿತು
by ಹರೀಶ್ ಶೆಟ್ಟಿ, ಶಿರ್ವ
No comments:
Post a Comment