ನಾನೊಬ್ಬ ಸಾಧಾರಣ ಮನುಷ್ಯ

ನಾನು ಒಳ್ಳೆ ಮನುಷ್ಯನಲ್ಲ
ನನ್ನಲ್ಲಿ ಅನೇಕ ಅವಗುಣ
ನನ್ನಲ್ಲಿ ಉತ್ತಮ ಗುಣವೇನಿಲ್ಲ
ನಾನೇನು ಸಂಭಾವಿತ ಪುರುಷನಲ್ಲ
ಯಾಕೆಂದರೆ ನಾನೊಬ್ಬ ಸಾಧಾರಣ ಮನುಷ್ಯ !!

ನನ್ನ ಅಲ್ಪ ಬುದ್ಧಿ ನನಗೆ ಗೊತ್ತು
ಕೇವಲ ದೊಡ್ಡ ದೊಡ್ಡ ಮಾತು
ಒಳಗೆ ಮೋಸ ವಂಚನೆಯ ಕಟ್ಟು
ಇದೇ ನನ್ನ ಅಂತಸ್ತು
ಯಾಕೆಂದರೆ ನಾನೊಬ್ಬ ಸಾಧಾರಣ ಮನುಷ್ಯ !!

ನನ್ನ ವಿಚಾರ ಎಲ್ಲರಿಂದ ಭಿನ್ನ
ಸುಂದರ ಅದ್ಭುತ ಮನ ಮೋಹಿಸುವ
ಆದರೆ ನಾನು ಹೇಳುವುದು ಒಂದು
ಮಾಡುವುದು ಒಂದು
ಯಾಕೆಂದರೆ ನಾನೊಬ್ಬ ಸಾಧಾರಣ ಮನುಷ್ಯ !!

ನನ್ನ ಅಹಂಕಾರ ನನ್ನತನ
ನನ್ನ ಬೆನ್ನಟ್ಟಿ ಬರುತ್ತದೆ
ಲೋಭ ಆಸೂಯೆ ಆಸೆ
ನೆಂಟನಂತೆ ನನ್ನಲ್ಲಿ ನೆಲೆಸಿದೆ
ಯಾಕೆಂದರೆ ನಾನೊಬ್ಬ ಸಾಧಾರಣ ಮನುಷ್ಯ !
by ಹರೀಶ್ ಶೆಟ್ಟಿ,ಶಿರ್ವ
(ಒಂದು ಹಿಂದಿ ಕವಿತೆ ಓದಿ ಅದರಿಂದ ಪ್ರೇರಿತವಾಗಿ ಬರೆದದ್ದು.)