Friday 5 September 2014

ಮೌನ ಪ್ರತಿಮೆ

ಅದ್ಯಾಕೋ ಜೀವನ
ನಿನ್ನ ವಿನಾಃ ಉಸಿರಾಡುತ್ತಿದೆ
ತಿಳಿಯದ ಅಜ್ಞಾತ ಹಾದಿಯಲಿ
ಏಕಾಂತ ಸಾಗುತ್ತಿದೆ

ಅರಿವಿಲ್ಲ ಎಲ್ಲಿಗೆ ಹೋಗುತ್ತಿದ್ದೇನೆ
ಎಲ್ಲಿದ್ದೇನೆ ಎಂದು
ಬತ್ತಿದ ಕಂಗಳು ಕತ್ತಲ ಗುರಿಯತ್ತ
ದುರುಗುಟ್ಟಿ ನೋಡುತ್ತಿದೆ

ಹೇಗೋ ಈ ದೇಹ
ತನ್ನ ಕಾರ್ಯವನ್ನು ನಿರ್ವಹಿಸುತ್ತಿದೆ
ಬದುಕಲು ತನ್ನಂತಾನೆ
ಕೈ ಬಾಯಿಗೆ ತುತ್ತು ಇಡುತ್ತಿದೆ

ಮನಸ್ಸಿಲ್ಲ ಕನಸಿಲ್ಲ
ನಿದಿರೆಯ ಸುಳಿವಿಲ್ಲ
ಬದುಕಿನ ಆಗಸದಲಿ
ಅನಾಸಕ್ತಿಯ ಕಾರ್ಮೋಡ ಆವರಿಸುತ್ತಿದೆ  

ಜನರು ಹೇಳುತ್ತಾರೆ
ನೀನೊಂದು ಮೌನ ಪ್ರತಿಮೆಯೆಂದು
ಹೇಗೆ ತಾನೇ ಹೇಳಲಿ ಜೀವನ ಅದೆಂದೋ ಮುಗಿದಿದೆ
ಕೇವಲ ಉಸಿರು ಚಲಿಸುತ್ತಿದೆ

by ಹರೀಶ್ ಶೆಟ್ಟಿ,ಶಿರ್ವ 

2 comments:

  1. ಇಲ್ಲಿ ಗಾಢವಾಗಿ ನನಗೆ ಗಾಲಿಬ್ ಕಾಣಿಸಿದರು. ಎಂತಹ ವಿರಹೋತ್ತಮ ರಚನೆ.

    ReplyDelete
  2. ತುಂಬಾ ಧನ್ಯವಾದಗಳು ಬದರಿ ಸರ್.

    ReplyDelete