ಶಕ್ತಿ ಕೊಡು ಅಮ್ಮ

 

ಈ ನವರಾತ್ರಿಯಲ್ಲಿ 

ಭಕ್ತಿಭಾವದಿಂದ ಪೂಜಿಸುವೆ ನಿನ್ನನ್ನು ಅಮ್ಮ,

ಅಭಯ ಕೊಡು ಅಮ್ಮ,

ಶಕ್ತಿ ಕೊಡು ಅಮ್ಮ,

ಅಜ್ಞಾತ ದುಷ್ಟ ಶಕ್ತಿ ಪೀಡಿಸುತ್ತಿದೆ, 

ನಮ್ಮ ಮೈಮನಸ್ಸು ಕೆಡಿಸಿದೆ, 

ಇದರ ಸಂಹಾರ ಮಾಡಿ ನವ ಚೈತನ್ಯ ನೀಡು ಅಮ್ಮ,

ಅಭಯ ಕೊಡು ಅಮ್ಮ,

ಶಕ್ತಿ ಕೊಡು ಅಮ್ಮ,

ವಿಕಟ ಪರಿಸ್ಥಿತಿ ಬಂದು ಒದಗಿದೆ,

ಬದುಕು ನೀರಸ ಆಗಿದೆ,

ಜೀವನಕ್ಕೆ ಅರ್ಥ ಕೊಟ್ಟು ನವರಸ ನೀಡು ಅಮ್ಮ,

ಅಭಯ ಕೊಡು ಅಮ್ಮ,

ಶಕ್ತಿ ಕೊಡು ಅಮ್ಮ,

ಖಾಲಿ ಹಾಳೆಯಂತೆ ಈಗ ಮನಸ್ಸು,

ರಂಗಹೀನ ಈಗ ಬದುಕು,

ರಂಗಮಯ ಮಾಡು ಜೀವನ ನವರಂಗ ಸುರಿಸಿ ಅಮ್ಮ,

ಅಭಯ ಕೊಡು ಅಮ್ಮ,

ಶಕ್ತಿ ಕೊಡು ಅಮ್ಮ,

ಬೇಡುವೆ ನಾನಮ್ಮ,

ವರದಾನ ನೀಡಮ್ಮ,

ಈ ನವ ದಿನದಲಿ ನವ ಸ್ವರೂಪ ತೋರಿಸಮ್ಮ,

ಅಭಯ ಕೊಡು ಅಮ್ಮ,

ಶಕ್ತಿ ಕೊಡು ಅಮ್ಮ.

by ಹರೀಶ್ ಶೆಟ್ಟಿ,  ಶಿರ್ವ

Photo courtesy:kateel.in