ನಂಬಿದೆ ಅಮ್ಮ ನಿನ್ನ ನಂಬಿದೆ

 

ನಂಬಿದೆ ಅಮ್ಮ ನಿನ್ನ ನಂಬಿದೆ,

ದುರ್ಗಾ ಪರಮೇಶ್ವರಿ ಅಮ್ಮ ನಿನ್ನ ನಂಬಿದೆ,

ನಂಬಿದೆ ಅಮ್ಮ ನಿನ್ನ ನಂಬಿದೆ,

ಮಮತೆಯ ರೂಪ ನೀನು ಅಂಬಿಕೆ,

ಸತ್ಯದ ಸ್ವರೂಪ ನೀನು ಅಂಬಿಕೆ,

ವರ ನೀಡುವ ಶಕ್ತಿ ನಿನ್ನಲ್ಲಿದೆ,

ನಂಬಿದೆ ಅಮ್ಮ ನಿನ್ನ ನಂಬಿದೆ,

ನವರಾತ್ರಿಯ ಈ ಒಂಬತ್ತು ದಿನವೂ,

ಭಕ್ತರ ಪಾಲಿಗೆ ಇದು ಉತ್ಸಾಹದ ಸಂಭ್ರಮವೂ, 

ಮನೆ ಮನೆಯಲಿ ನಿನ್ನ ಪೂಜೆ ನಡೆಯುತ್ತದೆ,

ನಂಬಿದೆ ಅಮ್ಮ ನಿನ್ನ ನಂಬಿದೆ,

ಲೋಕದ ಏಳಿಗೆ ಕೇವಲ ನಿನ್ನಿಂದಲೇ,

ದುಷ್ಟ ಶಕ್ತಿಯ ನಾಶ ಕೇವಲ ನಿನ್ನಿಂದಲೇ,

ಭಕ್ತರ ಶ್ರದ್ಧೆ ನಿನ್ನಲ್ಲಿದೆ,

ನಂಬಿದೆ ಅಮ್ಮ ನಿನ್ನ ನಂಬಿದೆ,

ಕಲ್ಯಾಣಕಾರಿ ನೀನು ಜಗದಂಬಿಕೆ,

ಮಾರ್ಗದರ್ಶಿನಿ ನೀನು ಜಗದಂಬಿಕೆ,

ಅಪ್ರತಿಮ ತೇಜಸ್ಸು ನಿನ್ನ ಮುಖದಲ್ಲಿದೆ

ನಂಬಿದೆ ಅಮ್ಮ ನಿನ್ನ ನಂಬಿದೆ

by ಹರೀಶ್ ಶೆಟ್ಟಿ, ಶಿರ್ವ