ಹಾಡುವೆ ನಾ ಹಾಡುವೆ,
ಅಮ್ಮ ನಿನ್ನ ಭಕ್ತಿ ಗೀತೆ ಹಾಡುವೆ,
ನಿನ್ನ ಹೊಗಳುತ್ತ ನಮಿಸುವೆ,
ಹಾಡುವೆ ನಾ ಹಾಡುವೆ....
ಅಮ್ಮ ನಿನ್ನನ್ನು ಸ್ಮರಿಸದೆ ಕಣ್ಣುತೆರಯಲಾಗುವುದಿಲ್ಲ,
ನಿನ್ನನ್ನು ನೋಡುವ ತನಕ ಮನಸ್ಸಿಗೆ ನೆಮ್ಮದಿ ಇಲ್ಲ,
ಪ್ರಾತಃಕಾಲ ಸ್ನಾನ ಮುಗಿಸಿ ನಿನ್ನ ಮಂದಿರಕ್ಕೆ ಓಡುವೆ,
ಹಾಡುವೆ ನಾ ಹಾಡುವೆ....
ಅಮ್ಮ ನಿನ್ನನ್ನು ಸಿಂಗಾರಿಸುವುದರಲ್ಲಿ ಅಯ್ಯೋ ನಾನು ಪಡೆಯುವೆ ಸಂತೋಷ ಎಷ್ಟು,
ದೀಪ ಬೆಳೆಗಿಸಿದ ನಂತರ ಅಯ್ಯೋ ನಿನ್ನ ರೂಪ ಕಾಣುವುದು ಸುಂದರ ಎಷ್ಟು,
ಹೂ ಹಣ್ಣು ಅರ್ಪಿಸಿ ಪೂಜೆಯ ಮಾಡುವೆ,
ಹಾಡುವೆ ನಾ ಹಾಡುವೆ....
ಅಮ್ಮ ನಿನ್ನ ದಾಸ ನಾನು ನನ್ನ ತಪ್ಪನ್ನು ಕ್ಷಮಿಸು ನೀನು,
ನಿನ್ನ ಸಾನಿಧ್ಯ ಕೇವಲ ಸಿಗಲಿ ಬೇಡ ನನಗೆ ಹಾಲು ಜೇನು,
ನನ್ನ ಸರ್ವಸ್ವ ಅರ್ಪಿಸಿ ನಿನ್ನ ಪಾದ ಸೇವೆ ಮಾಡುವೆ,
ಹಾಡುವೆ ನಾ ಹಾಡುವೆ....
ನಿನ್ನ ಭಕ್ತಿ ಗೀತೆ ಹಾಡದೆ ಮನಸ್ಸಿಗೆ ತೃಪ್ತಿ ಸಿಗದು,
ದಿನನಿತ್ಯ ಹಾಡುವುದು ಎಂಥ ಅದ್ಭುತ ಯೋಗ ನನ್ನದು,
ನಿನ್ನ ಕರುಣೆಯಿಂದಲಿ ನಾನು ಬದುಕಿರುವೆ,
ಹಾಡುವೆ ನಾ ಹಾಡುವೆ....
ಸಂಸಾರದಲ್ಲಿ ಇದ್ದಲ್ಲಿ ಕಷ್ಟ ಸುಖಗಳು ಬರುವುದು ಸಹಜ,
ನಿನ್ನ ಕೃಪೆಯಿಂದಲಿ ಸಾಗುತ್ತಿದೆ ಬದುಕು ಸಹಜ,
ಏನೋ ಪುಣ್ಯ ಮಾಡಿರುವೆ,
ಹಾಡುವೆ ನಾ ಹಾಡುವೆ....
by ಹರೀಶ್ ಶೆಟ್ಟಿ, ಶಿರ್ವ
No comments:
Post a Comment