ಶರಣು ನಾನು ಅಮ್ಮ

 

ಶರಣು ನಾನು ಅಮ್ಮ,

ನಿನ್ನ ಶರಣು ನಾನಮ್ಮ,

ನಿನ್ನ ಪಾದದಲ್ಲಿ ನನ್ನ ಶಿರವನು ಇಟ್ಟು ವಂದಿಸುವೆ ನಾನಮ್ಮ,

ನಿನ್ನ ಶರಣು ನಾನಮ್ಮ,

ನಿನ್ನ ಸ್ವರೂಪದಿ ತಾಯಿಯನ್ನು ನೀಡಿದೆ,

ಭೂಮಿಗೆ ತಂದು ಕಣ್ಣನು ತೆರೆಸಿದೆ,

ಪ್ರಥಮ ನೋಟದಲ್ಲಿಯೇ ನೀನು ಹೃದಯದಲಿ ನೆಲೆಸಿದೆ ಅಮ್ಮ,

ನಿನ್ನ ಶರಣು ನಾನಮ್ಮ,

ಬಾಲ್ಯದ ಕೃಷ್ಣ ತುಂಟಾಟದಲಿ ಅಮ್ಮನನು ನೋಡಿ ನಾನೂ ಕೈ ಮುಗಿದೇ,

ಪಾದಕ್ಕೆ ನಿನ್ನ ಅಡ್ಡವ ಬಿದ್ದೆ,

ನಿನ್ನ ಪ್ರಸಾದ ಕದ್ದು ತಿಂದೇ ಅಮ್ಮ,

ನಿನ್ನ ಶರಣು ನಾನಮ್ಮ,

ಯೌವನದಲ್ಲಿ ನಿನ್ನ ಆಶೀರ್ವಾದದಿಂದ ಜ್ಞಾನ, ಬುದ್ದಿಯ ಪಡೆದೆ,

ಸತ್ಯ ಸುಳ್ಳಿನ ಭೇದವ ತಿಳಿದೇ,

ನಿನ್ನ ದಯೆಯಿಂದಲೇ ಸಂಸಾರ ಕಟ್ಟಿದೆ ಅಮ್ಮ,

ನಿನ್ನ ಶರಣು ನಾನಮ್ಮ

ದುಃಖದ ಸಮಯದಲ್ಲಿ ನೀನಿದ್ದೆ ಹಿಂದೆ,

ಸುಖದಲ್ಲಿ ನೀನಿನ್ನೂ ಬಳಿ ಬಂದೆ,

ನಿನ್ನ ಭಕ್ತಿಯಿಂದಲೇ ಬದುಕ ಬಂಡಿ ಸಾಗಿತಮ್ಮ,

ನಿನ್ನ ಶರಣು ನಾನಮ್ಮ,

ಕಷ್ಟದಲಿ ತಾಳ್ಮೆ ಧೈರ್ಯ ನಿನ್ನಿಂದಲೇ ಕಲಿತೆ,

ಜೀವನದ ಸಂತೋಷ ನಿನ್ನಿಂದಲೇ ಪಡೆದೆ,

ನಿನ್ನ ಸ್ಮರಣೆಯಿಂದಲೇ ಕಷ್ಟ ಓಡುತ್ತದೆ ಅಮ್ಮ,

ನಿನ್ನ ಶರಣು ನಾನಮ್ಮ,

by ಹರೀಶ್ ಶೆಟ್ಟಿ, ಶಿರ್ವ