ಭಕ್ತಿರಸ

ಮುಂಜಾನೆ ಮುಂಜಾನೆ ಬೇಗನೆ ಎದ್ದು ವನಕ್ಕೆ ಓಡಿದ,   

ಅಮ್ಮ ಅಮ್ಮ ಜಪಿಸುತ ಸ್ಮರಿಸಿದ,

ವನ ವನ ಸುತ್ತುತಾ ಮಲ್ಲಿಗೆ ಹೂವ ಹುಡುಕಿದ,

ಭಕ್ತ ನೋಡಿ ಭಕ್ತಿರಸದಲಿ ಮುಳುಗಿದ,

ಮಲ್ಲಿಗೆ ಮಲ್ಲಿಗೆ ಮುಟ್ಟಿ ಮುಟ್ಟಿ ನೋಡಿದ,

ಶ್ರದ್ಧೆಯಿಂದ ಮೂಸಿ ಮೂಸಿ ನೋಡಿದ,

ಹುಡುಕಿ ಹುಡುಕಿ ಒಳ್ಳೆ ಹೂವ ಹೆಕ್ಕಿದ,

ಭಕ್ತ ನೋಡಿ ಭಕ್ತಿರಸದಲಿ ಮುಳುಗಿದ,

ಬೇಗ ಬೇಗ ಮನೆಗೆ ಬಂದು ಹೂವ ಮಾಲೆ ಕಟ್ಟಿದ,

ಸುಂದರ ಸುಂದರ ಮಾಲೆ ತಯ್ಯಾರಿಸಿದ,

ಪದೇ ಪದೇ ಅದನ್ನು ನೋಡಿ ತನ್ನನ್ನು ಹೊಗಳಿದ,

ಭಕ್ತ ನೋಡಿ ಭಕ್ತಿರಸದಲಿ ಮುಳುಗಿದ,

ಸ್ನಾನ ಪಾನ ಶೀಘ್ರವೇ ಮುಗಿಸಿದ,

ಶುಭ್ರ ಶುಭ್ರ ವಸ್ತ್ರವ ಧರಿಸಿದ,

ಹೂ ಹಣ್ಣು ಹರಿವಾಣದಲ್ಲಿಟ್ಟು ಮನೆಯಿಂದ ತೆರಳಿದ,

ಭಕ್ತ ನೋಡಿ ಭಕ್ತಿರಸದಲಿ ಮುಳುಗಿದ,

ಎಷ್ಟೋ ದೂರ ನಡೆದು ಅಮ್ಮನ ಮಂದಿರಕ್ಕೆ ಮುಟ್ಟಿದ,

ಅಮ್ಮನ ಗುಡಿ ಸ್ಥಾನ ಶುಚಿಯಾಗಿ ಸ್ವಚ್ಛ ಮಾಡಿದ,

ಅಮ್ಮನ ಮೂರ್ತಿಗೆ ಸ್ನಾನವ ಮಾಡಿಸಿದ,

ಭಕ್ತ ನೋಡಿ ಭಕ್ತಿರಸದಲಿ ಮುಳುಗಿದ,

ಚಂದನದ ಲೇಪವನ್ನು ಅಮ್ಮನ ಮೂರ್ತಿಗೆ ಹಚ್ಚಿದ,

ಭಕ್ತಿಭಾವದಿಂದ ಗುಡಿಯನ್ನು ಅಲಂಕರಿಸಿದ,

ತಾನು ತಂದ ಮಲ್ಲಿಗೆಯ ಹೂವ ಮಾಲೆ ಶ್ರದ್ದೆಯಿಂದ ಅಮ್ಮನ ಕೊರಳಿಗೆ ಹಾಕಿದ,

ಭಕ್ತ ನೋಡಿ ಭಕ್ತಿರಸದಲಿ ಮುಳುಗಿದ,

ದೀಪ ಧೂಪ ಹಚ್ಚಿ ಗುಡಿ ಬೆಳಗಿಸಿದ,

ತೀರ್ಥ ಮತ್ತು ಹಣ್ಣಿನ ಪ್ರಸಾದ ತಯ್ಯಾರಿಸಿದ,

ಮಂತ್ರ ಪಠನೆ ಮಾಡುತ ಪೂಜೆ ಆರಂಭಿಸಿದ,

ಭಕ್ತ ನೋಡಿ ಭಕ್ತಿರಸದಲಿ ಮುಳುಗಿದ,

ಹಲವು ಅನ್ಯ ಭಕ್ತರೂ ಬಂದು ಸೇರಿದರು,

ಗಂಟೆ ಚೆಂಡೆಯ ಭಾರಿಸಿ ಭಕ್ತಿಯಲಿ ಮುಳುಗಿದರು,

ಪೂಜೆಯ ಮುಗಿಸಿ ಭಕ್ತ ತೃಪ್ತಿಯ ಉಸಿರೆಳೆದ,

ಭಕ್ತ ನೋಡಿ ಭಕ್ತಿರಸದಲಿ ಮುಳುಗಿದ,

ಕೈ ಮುಗಿದು ಭಕ್ತ ಎಲ್ಲರಿಗೂ ದೇವರಿಂದ ಸುಖ ಬೇಡಿದ,

ಸಾಷ್ಟಾಂಗ ಬಿದ್ದು ಅಮ್ಮನ ಆಶೀರ್ವಾದ ಪಡೆದ,

ಎಲ್ಲರಿಗೆ ತೀರ್ಥ ಪ್ರಸಾದ ಹಂಚಿದ, 

ಭಕ್ತ ನೋಡಿ ಭಕ್ತಿರಸದಲಿ ಮುಳುಗಿದ.

ಹರೀಶ್ ಶೆಟ್ಟಿ, ಶಿರ್ವ