Saturday 29 October 2011

ಹೂವಿನ ಭಾಗ್ಯ

ತೋಟದಲಿ ಅನೇಕ ಹೂಗಳು
ಅರಳಿದ ಹೂಗಳನ್ನು ಕಂಡು
ಕೊಯ್ದು ಹೋಗುವವರು ಹಲವರು
ಸಂತಸ ಪಡುವವರು ಕೆಲವರು

ಹೂಗಳನ್ನು ಕಿತ್ತು 
ಹೂಮಾಲೆಯ ಕಟ್ಟಿ
ಮಾರುವವರು ಹಲವರು
ಖರೀದಿ ಮಾಡುವವರು ಕೆಲವರು

ಹೂವಿನ ಭಾಗ್ಯ
ಕೊಂಡು ಹೋಗುವುದು ಎಲ್ಲಿಗೆ
ತಲೆಗೆ ಮುಡಿಯುವವರು ಹಲವರು
ದೇವರ ಚರಣಗಳಲ್ಲಿ ಅರ್ಪಿಸುವವರು ಕೆಲವರು 

ಹೂವ ಗತಿ
ಎಲ್ಲಿ ಅದರ ಸದ್ಗತಿ
ರಸ್ತೆಯಲ್ಲಿ ಬಿಸಾಕಿ ಪ್ರಾಣ ಬಿಡಲು ಬಿಡುವವರು ಹಲವರು
ಪುಸ್ತಕದ ಮಧ್ಯೆ ಇಟ್ಟು ಒಣಗಿದ ಎಸಳನ್ನು ಸಂಗ್ರಹಿಸುವವರು ಕೆಲವರು
by ಹರೀಶ್ ಶೆಟ್ಟಿ, ಶಿರ್ವ

No comments:

Post a Comment