Monday 16 June 2014

ಮದುಮಗಳು

ಅದೆಷ್ಟೋ ಕನಸುಗಳು 
ಆ ಮದುಮಗಳ ಕಣ್ಣಲಿ,
ತನ್ನ ನೈಜ ಸ್ಥಿತಿ 
ಅರಿತ ಮದುಮಗ 
ಚಿಂತೆಯಲಿ
---
ಮದುಮಗಳ 
ಕಣ್ಣ ಕಾಡಿಗೆ 
ಹರಿದೋಯಿತು
ಒಟ್ಟಿಗೆ ಅಪ್ಪನ
ಜವಾಬ್ದಾರಿಯ ಭಾರ ಸಹ 
---
ಅಮ್ಮನ ಹೃದಯ 
ಅಳುತ್ತಿತ್ತು 
ಚಿಂತಿತ ಕಂಗಳಲಿ 
ಮದುಮಗನ ಪ್ರತಿ 
ಅನುಮಾನ ಕಂಡು ಬರುತ್ತಿತ್ತು 
---
ಅಪ್ಪನ ತಲೆಯಿಂದ 
ಮಗಳ ಜವಾಬ್ದಾರಿಯ 
ಭಾರ ಇಳಿಯಿತು 
ಸಾಲದ ಭಾರ ಏರಿತು 
---
ಒಂದು ಕಡೆ 
ತವರು ಮನೆ 
ಬಿಟ್ಟು ಹೋಗುವ ದುಃಖ,
ಇನ್ನೊಂದು ಕಡೆ 
ಹೊಸ ಸಂಸಾರ
ರಚಿಸುವ ಸುಖ 
ಮನಸ್ಸಲ್ಲಿ ಗುಡುಗು 
ಹೆಜ್ಜೆಯಲಿ ನಡುಗು 
---
ಮಗಳ ಮದುವೆಗೆ 
ಮನೆ ತುಂಬಾ ನೆಂಟರು
ಅಪ್ಪ ಅಮ್ಮನ 
ಹೃದಯ 
ಖಾಲಿ ಖಾಲಿ 
---
ಮದುಮಗಳು 
ತನ್ನ ಕೋಣೆಯಲಿ
ಇದ್ದಕ್ಕಿದಂತೆ 
ಬಾಲ್ಯದ 
ಮುರಿದ ಆಟಿಕೆಗಳನ್ನು
ನೋಡಿ 
ಬಿಕ್ಕಿಬಿಕ್ಕಿ ಅತ್ತಳು
---
ಹೊಸ ಮನೆ
ಹೊಸ ಜನರು 
ಹೊಸ ಕೋಣೆ
ಹೃದಯದಲಿ ಭಯ 
ಎಲ್ಲರ ಬಾಯಿಯಲ್ಲೂ ಚರ್ಚೆ ಮದುಮಗಳ 
ಇನ್ನು ಇಡಿ ಜೀವನ ಇಲ್ಲೇ ಕಳೆಯ ಬೇಕಲ್ಲ 
ಅಯ್ಯೋ ಏಕೆ ಬಿಟ್ಟು ಬಂದೆ ನಾನೆಲ್ಲ 

by ಹರೀಶ್ ಶೆಟ್ಟಿ, ಶಿರ್ವ

2 comments:

  1. ನನಗೆ ನನ್ನ ನಾದಿನಿಯ ಮದುವೆಯ ನೆನಪನ್ನು ತರಿಸಿಬಿಟ್ಟಿರಿ.
    ಒಳ್ಳೆಯ ಸಂವೇದನಾಶೀಲ ಕವಿ ನೀವು.

    ReplyDelete
  2. ತುಂಬಾ ತುಂಬಾ ಧನ್ಯವಾದಗಳು ಬದರಿ ಸರ್,ನಿಮ್ಮ ಮೆಚ್ಚುಗೆಗೆ ನಮನಗಳು.

    ReplyDelete