Tuesday 26 August 2014

ಆಧುನಿಕತೆ

ಬೆಳಿಗ್ಗೆ ಎದ್ದಾಗ
ಕಂಡ ಕನಸನ್ನು ನೆನಪಿಸಿದೆ
ಸ್ವಲ್ಪ ಸ್ವಲ್ಪ ನೆನಪಾಯಿತು
ದೂಳು ತುಂಬಿದ ಪುಸ್ತಕಗಳು
ಹಾರುವ ಹಾಳೆಗಳು
ಮುರಿದ ಪೆನ್ನುಗಳು
ನಗುವ ಕಂಪ್ಯೂಟರ್

---
ಕಪಾಟು ತೆರೆದೇ
ಹಳೆ ಪತ್ರಗಳ ಗಂಟು ಬಿತ್ತು
ಸಂಬಂಧಗಳ ಕಟ್ಟು
ಅದೆಷ್ಟೋ ನೆನಪುಗಳು
ಜೋಪಾನವಾಗಿ ಇಟ್ಟೆ,
ಇದ್ದಕಿದ್ದಂತೆ ಮೊಬೈಲ್ ರಿಂಗಾಯಿಸಿತು
ಮಾತಾಯಿತು
ಮರೆತು ಸಹ ಹೋಯಿತು

---
ಫ್ರಿಜ್ ತೆರೆದೇ
ನೀರು ಕುಡಿಯಲೆಂದು,
ಅದರೊಳಗೆ ಮಾವಿನ ಹಣ್ಣುಗಳು
ಎಷ್ಟೋ ದಿನದಿಂದ ಬಿದ್ದಿತ್ತು
ನೆನಪಾಯಿತು
ಊರಿನ ಹಳೆ ಮಾವಿನ ಮರ
ಓಡಾಡುವ ಇಣಚಿ
ಅದು ತಿಂದ ಕೆಲವು ಅರ್ಧ ಹಣ್ಣುಗಳು
ಆ ಅರ್ಧ ಹಣ್ಣಿನ ರುಚಿ

---
ಮನೆಯಲ್ಲಿ
ಅದೆಷ್ಟೋ ಹೊಸ ಹೊಸ
ಕೈ ಗಡಿಯಾರ
ಆದರೆ ಸರಿಯಾದ ಸಮಯ
ನೋಡಬೇಕಾದರೆ
ಗಮನ ಮನೆಯ
ಆ ಹಳೆ ಗಡಿಯಾರದ ಮೇಲೆ

---
ಈಗ ರೇಡಿಯೋ ಅಂದರೆ
ಮೊಬೈಲಲ್ಲಿ
ಅದೆಷ್ಟೋ ಚಾನೆಲ್,
ಆದರೆ ನೆನಪಾಗುತ್ತದೆ
ಅಜ್ಜನ ಆ ಹಳೆ ರೇಡಿಯೋ ಮತ್ತು
ಸಂಜೆ ಬರುವ ಅವರ ಮೆಚ್ಚಿನ
ಆಟದ (ಯಕ್ಷಗಾನ)  ಕಾರ್ಯಕ್ರಮ ಹಾಗು
ಅದನ್ನು ಕೇಳಿ
ಮುಖದಲಿ ಅರಳುವ ಅವರ ನಗು

by ಹರೀಶ್ ಶೆಟ್ಟಿ, ಶಿರ್ವ



2 comments:

  1. ಹಳತು - ಹೊಸದು, ಜಾಗೃತಾಸ್ಥೆ - ಸುಪ್ತಾವಸ್ಥೆ ಹೀಗೆ ವಿವರವಾಗಿ ತೆರೆದುಕೊಳ್ಳುವ ಈ ಕವನವು ತಮ್ಮ ಕೃತಿಗಳಲ್ಲೇ ವಿಭಿನ್ನ.

    ReplyDelete
  2. ತುಂಬಾ ಧನ್ಯವಾದಗಳು ಬದರಿ ಸರ್.

    ReplyDelete