ಶಾಂತತೆಯಿಲ್ಲ ಈಗ ಸ್ಮಶಾನದಲ್ಲೂ

ಶಾಂತತೆಯಿಲ್ಲ ಈಗ
ಸ್ಮಶಾನದಲ್ಲೂ
ಸಭೆ,ಸಮಾರಂಭ
ಜರುಗುತ್ತಿದೆ
ಈಗ ಇಲ್ಲೂ

ಮೌನದಿ ಮಲಗಿದ
ಕವಿಯೊಬ್ಬನ
ಕೆಡವಿ ಶಾಶ್ವತ ನಿದ್ರೆಯನು
ಕೂತರು ಅವನ ಮೇಲೆ
ಯೋಚಿಸಿರಬಹುದು
ಅವನೆಲ್ಲಿ ಜೀವಂತ ಭಾರವಾಗಲು

ಗೌಜಿ ಗಲಾಟೆ
ಮಾತುಕತೆ ಸುದ್ಧಿ ಗಮ್ಮತ್ತು
ಆಹಾರ ತಿಂಡಿ
ಉಪಹಾರ ಸಹ
ನಡೆಯಿತು ಇಲ್ಲಿಯೇ
ಅವನಿಗೆಲ್ಲಿ ಗೋಚರ ಹಸಿವೆಯಾಗಲು

ಕವನ ಪಠಣ
ಪದಗಳ ತೋರಣ
ಮಿಡಿಯ ಬಹುದೇ
ಪುನಃ ಆತನ ಕವಿ ಹೃದಯ
ಒಂದು ಕವಿತೆ
ಹೊಳೆ ಬಹುದೆ
ಈ ಶಾಂತ ಚಿತ್ತ ನಿದ್ರೆಯಲ್ಲೂ

by ಹರೀಶ್ ಶೆಟ್ಟಿ,ಶಿರ್ವ