Sunday 20 July 2014

ಕಂಬನಿ ಹರಿಸದಿರು ಚೆಲುವೆ

ಕಂಬನಿ ಹರಿಸದಿರು ಚೆಲುವೆ
ನಿನ್ನ ಜೊತೆ ಎಂದೆಂದಿಗೂ ನಾನಿರುವೆ
ಜೀವನ ಸುಖ ದುಃಖದ ನಾವೆ
ಸಹಜವಾಗಿ ತೇಲಿಕೊಂಡು ಹೋದರೆ
ಪಡೆಯುವೆ ಕಿನಾರೆ

ಕಂಬನಿ ಹರಿಸದಿರು ಚೆಲುವೆ
ನಿನ್ನ ಜೊತೆ ಎಂದೆಂದಿಗೂ ನಾನಿರುವೆ

ಗಾಳಿ ಬಿರುಗಾಳಿ ಚಂಡಮಾರುತ
ಬದುಕಲಿ ಇದೆಲ್ಲ ಸಹಜವೇ
ಸತತ ಹೋರಾಟವೇ ಜೀವನ
ಇಂದಿನ ಕಷ್ಟ ಸಹಿಸಿದರೆ
ನಾಳೆ ಸಿಗುವುದು ಸುಖದ ದಿನವೇ
ಹೆದರದಿರು ನೀನು ಸಖಿಯೇ
ನೀನೆಲ್ಲಿ ಹೋದರು
ಜೊತೆಯಾಗಿ ನಾನೂ ಬರುವೆ

ಕಂಬನಿ ಹರಿಸದಿರು ಚೆಲುವೆ
ನಿನ್ನ ಜೊತೆ ಎಂದೆಂದಿಗೂ ನಾನಿರುವೆ

ಕಷ್ಟದ ಏನು
ಅದು ನಮ್ಮಂತಹ ಬಡವರ ಒಡವೆ
ಏರು ಪೇರಿನ ಜೀವನ
ಇಂದು ಅನುಭವ ಕಹಿ ಬೇವಿನ
ನಾಳೆ ಹರಿಯುವುದು ಹೊಳೆ ಜೇನಿನ
ಭಯ ಪಡದಿರು ಪ್ರೀತಿಯೇ
ನಿನ್ನೆಲ್ಲ ಕಷ್ಟವನ್ನು
ನಿನ್ನ ಜೊತೆ ನಾನೂ ಎದುರಿಸುವೆ

ಕಂಬನಿ ಹರಿಸದಿರು ಚೆಲುವೆ
ನಿನ್ನ ಜೊತೆ ಎಂದೆಂದಿಗೂ ನಾನಿರುವೆ

by ಹರೀಶ್ ಶೆಟ್ಟಿ,ಶಿರ್ವ 

2 comments:

  1. "ಕಷ್ಟದ ಏನು
    ಅದು ನಮ್ಮಂತಹ ಬಡವರ ಒಡವೆ"
    ಮಾರ್ಮಿಕವಾದ ಮಾತು, ಮನಸ್ಸಿಗೆ ಹಿಡಿಸಿತು.

    ReplyDelete
  2. ತುಂಬಾ ತುಂಬಾ ಧನ್ಯವಾದಗಳು ಬದರಿ ಸರ್.

    ReplyDelete