ಬಿಂದುವಿಂದ ಬಿಂದು ತನಕ ಗೆರೆ ಎಳೆ

ಬಿಂದುವಿಂದ ಬಿಂದು ತನಕ ಗೆರೆ ಎಳೆ
ಒಂದು ಹೊಸ ದಾರಿ ನಿರ್ಮಾಣವಾಗಲಿ
ಮನಸ್ಸಿಂದ ಮನಸ್ಸು ಸೇರಲಿ
ಜಗತ್ತು ಹಸಿರಲಿ

ಬಿಂದುವಿಂದ ಬಿಂದು ತನಕ ಗೆರೆ ಎಳೆ
ಹೊಸ ಧೈರ್ಯ ಹುಟ್ಟಲಿ
ಅತ್ಯಾಚಾರ ಮಾಡುವವರನ್ನು ಮುಗಿಸಲಿ
ಹೆಣ್ಣೆಂಬ ಪಾವನ ಸೊತ್ತು ಸುರಕ್ಷಿತವಾಗಲಿ

ಬಿಂದುವಿಂದ ಬಿಂದು ತನಕ ಗೆರೆ ಎಳೆ
ಹುಚ್ಚು ವಿಚಾರ ಬರದಿರಲಿ
ಮನಸ್ಸು ನಿರ್ಮಲವಾಗಲಿ
ಬದುಕು ಸಾರ್ಥಕವಾಗಲಿ

ಬಿಂದುವಿಂದ ಬಿಂದು ತನಕ ಗೆರೆ ಎಳೆ
ಯಾರೂ ಪರಕೀಯರಲ್ಲವೆಂಬ ಭಾವನೆ ಹುಟ್ಟಲಿ
ಎಲ್ಲರೂ ನಿನ್ನವರೆ ಎಂಬ ವಿಚಾರವಿರಲಿ
ಪ್ರೀತಿ ವಿಶ್ವಾಸ ಬೆಳೆಯಲಿ

by ಹರೀಶ್ ಶೆಟ್ಟಿ,ಶಿರ್ವ