Tuesday 15 July 2014

ಬೇಡಿಕೆ

ದೇವರೇ 
ನೀರಿನಂತೆ ಆಗಲಿ ನನ್ನ ಮನಸ್ಸು 
ಇತರರ ಬೇಡಿಕೆಯ ದಾಹ ತಣಿಸಲಿ
ನನ್ನಲ್ಲಿ ಸಮಾಜದ ಕೊಳಕನ್ನು ಶುಚಿ ಮಾಡುವ ಶಕ್ತಿ ಸಾಮರ್ಥ್ಯವಿರಲಿ
ನನ್ನಿಂದ ನಿರ್ಮಲವಾಗಲಿ ಈ ಜಗತ್ತು
ನೀರಿನಂತೆ ಆಗಲಿ ನನ್ನ ಮನಸ್ಸು 

by ಹರೀಶ್ ಶೆಟ್ಟಿ, ಶಿರ್ವ

---

ದೇವರೇ 
ಒಳ್ಳೆಯದನ್ನು ಕಾಪಾಡುವೆ 
ಕೆಟ್ಟದನ್ನು ನಿರ್ಲಕ್ಷಿಸುವೆ 
ನನ್ನಲ್ಲಿದ್ದ ಕೆಟ್ಟ ನಡೆಯನ್ನು ಪದೇ ಪದೇ ವಿರೋಧಿಸುವೆ 
ನನ್ನಲ್ಲಿದ್ದ ಕೆಟ್ಟತನವನ್ನು ಹೊರ ದೂಡಲು ಪ್ರಯತ್ನಿಸುವೆ 
ಜಗತ್ತಲ್ಲಿದ್ದ ಒಳ್ಳೆತನ ಹುಡುಕುವೆ 
ಒಳ್ಳೆತನದ ಹಾದಿಯಲಿ ನಡೆಯುವೆ
ಈ ಕಲ್ಮಶ ಮನಸ್ಸನ್ನು ದಿನ ಪ್ರತಿ ದಿನ 
ಶುಚಿಗೊಳಿಸಲು ಪ್ರಯತ್ನಿಸುವೆ 
ಒಳ್ಳೆಯವನಾಗಲು ಪ್ರಯತ್ನಿಸುವೆ ದೇವ 

ಒಳ್ಳೆಯವನಾಗಲು ಪ್ರಯತ್ನಿಸುವೆ

by ಹರೀಶ್ ಶೆಟ್ಟಿ, ಶಿರ್ವ


---

ನಾನೇ ದೇವರು
ಎನ್ನುವ ಮಾನವನೇ,
ನೀನು ತಯಾರಿಸಿದ ಭಕ್ಷ
ರುಚಿಸಲಿಲ್ಲ ಪ್ರಭುವೇ
ಅದರಲ್ಲಿ ಸತ್ಯದ ಸಿಹಿ ಪ್ರಮಾಣವಿರಲಿಲ್ಲ
ಸುಳ್ಳಿನ ಮಸಾಲೆ ತುಂಬಿತ್ತು

by ಹರೀಶ್ ಶೆಟ್ಟಿ, ಶಿರ್ವ


---

ಗುರುವೇ,
ನಿನ್ನ ಅನೇಕ ಉಪಕಾರ
ನನ್ನ ಮೇಲೆ
ನನ್ನನ್ನು ರಚಿಸಿದಕ್ಕೆ
ನಿನ್ನ ಚರಣ ತೊಳೆದು
ಚರಣಾಮೃತ ಕುಡಿದೆ
ಆದರೂ ಗುರುವೇ
ಇನ್ನೂ ಅಹಂ ದೂರವಾಗಲಿಲ್ಲ
ಕೋಪ ತಣಿಯಲಿಲ್ಲ
ಆಸೆ ಇಳಿಯಲಿಲ್ಲ 
ಆದರೆ ನಿನ್ನ ಕೃಪೆ ಗುರುವೇ
ಈ ತನಕ ಮನುಷ್ಯನಾಗಿ ಬದುಕುತ್ತಿದ್ದೇನೆ

by ಹರೀಶ್ ಶೆಟ್ಟಿ, ಶಿರ್ವ


2 comments:

  1. ಪ್ರಾರ್ಥನೆಯನ್ನೂ ಮೀರಿ ನಿಮ್ಮ ಸಾಲುಗಳ ಆಳದಲ್ಲಿ ಅಡಗಿರುವ ಪ್ರಾಮಾಣಿಕೆ ನೆಚ್ಚಿಗೆಯಾಯಿತು.

    ReplyDelete
  2. ತುಂಬಾ ತುಂಬಾ ಧನ್ಯವಾದಗಳು ಬದರಿ ಸರ್.

    ReplyDelete