ಒಂದು ಮುದ್ದಾದ ಬಯಕೆ ಇದೆ ನನ್ನಲಿ

ಒಂದು ಮುದ್ದಾದ ಬಯಕೆ ಇದೆ ನನ್ನಲಿ
ನನ್ನ ಹೆಸರು ನಿನ್ನ ತುಟಿಯಲಿ ಮೆರೆಯಲಿ

ಹೃದಯದಲಿ ಪ್ರೀತಿಯ ಅಂಕುರ ಹುಟ್ಟಲಿ
ಮನಸ್ಸಲಿ ಒಲವಿನ ಸುಮಗಳು ಅರಳಲಿ

ಒಂದು ಮುದ್ದಾದ ಬಯಕೆ ಇದೆ ನನ್ನಲಿ
ನನ್ನ ಹೆಸರು ನಿನ್ನ ತುಟಿಯಲಿ ಮೆರೆಯಲಿ

ಸಮಯ ನನ್ನ ಮೋಹಕ ಕನಸಲಿ ಕಳೆಯಲಿ
ನಿನ್ನ ಕಂಗಳಲಿ ನನ್ನ ಚಿತ್ರ ಸದಾ ಹೊಳೆಯಲಿ

ಒಂದು ಮುದ್ದಾದ ಬಯಕೆ ಇದೆ ನನ್ನಲಿ
ನನ್ನ ಹೆಸರು ನಿನ್ನ ತುಟಿಯಲಿ ಮೆರೆಯಲಿ

ಮುಖದಲಿ ಲಜ್ಜೆ ಮಿಶ್ರಿತ ನಗು ತೇಲಿ ಬರಲಿ
ಅನುರಾಗದ ಹರ್ಷ ಧಾರೆ ಹಾಡಾಗಿ ಹರಿಯಲಿ

ಒಂದು ಮುದ್ದಾದ ಬಯಕೆ ಇದೆ ನನ್ನಲಿ
ನನ್ನ ಹೆಸರು ನಿನ್ನ ತುಟಿಯಲಿ ಮೆರೆಯಲಿ

ಭಾವನೆ ನನ್ನ ಕವಿತೆ ಬರೆಯಲು ಪ್ರೋತ್ಸಾಹಿಸಲಿ
ಭಾವಗಳ ಬೆಳಕು ಕಾಗದದ ಹಾಳೆಯಲಿ ಕಂಡು ಬರಲಿ

ಒಂದು ಮುದ್ದಾದ ಬಯಕೆ ಇದೆ ನನ್ನಲಿ
ನನ್ನ ಹೆಸರು ನಿನ್ನ ತುಟಿಯಲಿ ಮೆರೆಯಲಿ

by ಹರೀಶ್ ಶೆಟ್ಟಿ, ಶಿರ್ವ