ಮೆಲ್ಲ ಮೆಲ್ಲನೆ ಸಾಗು ಜೀವನ

 

Photo :Google

ಮೆಲ್ಲ ಮೆಲ್ಲನೆ ಸಾಗು ಜೀವನ, 

ಕೆಲವು ಋಣ ತೀರಿಸಲಿದೆ ಬಾಕಿ,

-

ಕೆಲವು ನೋವನ್ನು ಅಳಿಸಲಿದೆ, 

ಕೆಲವು ಕರ್ತವ್ಯ ನಿಭಾಯಸಲಿದೆ,

-

ನಿನ್ನ ಈ ವೇಗದ ನಡೆಯಿಂದ 

ಕೆಲವರು ಮುನಿಸಿಕೊಂಡರು, 

ಕೆಲವರು ದೂರವಾದರು,

-

ಮುನಿಸಿದವರನ್ನು ನಗಿಸಲಿದೆ ಬಾಕಿ, 

ಅಳುವವರನ್ನು ಸಂತೈಸಲಿದೆ ಬಾಕಿ,

-

ಕೆಲವು ಅಪೇಕ್ಷೆ ಅಪೂರ್ಣವಾಗಿದೆ, 

ಕೆಲವು ಕೆಲಸ ಈಗ ಇನ್ನು ಮಹತ್ವಪೂರ್ಣವಾಗಿದೆ,

-

ಹೃದಯದಲ್ಲಿಯೇ ಮಡಿದ ಬಯಕೆಗಳು, 

ಅದನ್ನೆಲ್ಲ ಹೂಳುವುದಿದೆ ಬಾಕಿ,

-

ಕೆಲವು ಸಂಬಂಧ ಕೂಡಿ ಮುರಿಯಿತು, 

ಕೆಲವು ಸಂಬಂಧ ಕೂಡುವ ಮೊದಲೇ ಬಿಟ್ಟೋಯಿತು, 

ಆ ಮುರಿದೋದ, ಬಿಟ್ಟೋದ ಸಂಬಂಧದ ಗಾಯಗಳನ್ನು ಅಳಿಸಲಿದೆ ಬಾಕಿ,

-

ನೀನು ಮುಂದೆ ಸಾಗು, 

ನಾನು ಬರುತ್ತೇನೆ, 

ನಿನ್ನನ್ನು ಬಿಟ್ಟು ಬದುಕಿಕೊಳ್ಳುವೆನೇ?

-

ಈ ಉಸಿರಲಿ ಯಾರ ಹಕ್ಕು ಇದೆಯೋ, 

ಅವರಿಗೆ ವ್ಯಕ್ತಪಡಿಸಲಿದೆ ಬಾಕಿ,

-

ಮೆಲ್ಲ ಮೆಲ್ಲನೆ ಸಾಗು ಜೀವನ, 

ಕೆಲವು ಋಣ ತೀರಿಸಲಿದೆ ಬಾಕಿ!!

ಮೂಲ : ಗುಲ್ಜಾರ್ 

ಅನುವಾದ : ಹರೀಶ್ ಶೆಟ್ಟಿ, ಶಿರ್ವ