ಆ ಅಮೋಘ ಗಳಿಗೆ
ನಾನು ಹೇಗೆ ಮರೆಯಲಿ
ಹಗಲು ಇರುಳು ನಾ
ನಿನ್ನದೇ ಸ್ವಪ್ನ ನೋಡುತ್ತಿದ್ದೆ ?
ನಿನ್ನನ್ನು ಕಾಣಲು
ತಡವಾಗಿ ಏಳುವ ನಾ
ಮುಂಜಾನೆ ಬೇಗ ಎದ್ದು
ಉದ್ಯಾನದಿಂದ ಪುಷ್ಪವನ್ನು ಕಿತ್ತು
ನೀ ಬರುವ ಹಾದಿಯಲಿ ಕಾಯುತ್ತಿದೆ !
ಸಂಜೆಯ ಸಮಯ
ಕೆಲಸದಿಂದ ನೀನು ಹಿಂತಿತುಗಿ
ಬರುವ ಸಮಯ
ನಿನ್ನನ್ನೆ ಕಾಯುತ ನಾ
ಸೂರ್ಯನಿಗೆ ವಿದಾಯ ನೀಡುತ್ತಿದ್ದೆ !
ಪ್ರೀತಿ ಆದ ನಂತರ
ನಮ್ಮ ಮಧ್ಯೆ ನಡೆದ
ಘಟನೆಗಳು ಇಂದೂ
ನನ್ನ ಸ್ಮೃತಿ ಪಟಲದಲಿ
ಹಾಗೆಯೇ ತಾಜಾವಾಗಿ ಉಳಿದಿದೆ !
ಪರಿಸ್ಥಿತಿ ವಶ ನಾವು
ಪ್ರತ್ಯೇಕವಾದ ಆ ಕ್ಷಣ
ಇಂದೂ ನನ್ನ ಹೃದಯದಲಿ
ಅಸೀಮ ನೋವು ತಂದು
ಕಣ್ಣಿಂದ ಕಣ್ಣೀರು ಹರಿಸುತ್ತಿದೆ !
by ಹರೀಶ್ ಶೆಟ್ಟಿ, ಶಿರ್ವ
No comments:
Post a Comment