ತುಂಬಿದ ಬಡ ಶರೀರ
ಮುರಿದ ಆಸೆಯಿಂದ
ತನ್ನ ಯೌವನವನ್ನು ನೀಡುತ
ಕೆಂಪು ಮನೆಯಲಿ
ಕಣ್ಣೀರಿಟ್ಟು ಜೀವಿಸುವ
ಹೆಣ್ಣ ಬಾಳು ಮಾರಾಟಕ್ಕೆ ಇದೆ !
ಮಗುವನ್ನು ಹೆತ್ತು
ಅಮ್ಮ ಎನ್ನುವ ದೈವ
ರಕ್ಕಸ ರೂಪ ತಾಳಿ
ಮೊಲೆ ಹಾಲು ನೀಡದೆ
ಹಸಿದ ಮಗುವನ್ನು
ಕಸದ ಬುಟ್ಟಿಯಲಿ ಬಿಟ್ಟಿದ
ತಾಯಿಯ ಮೊಲೆ ಹಾಲು ಮಾರಾಟಕ್ಕೆ ಇದೆ !
ತನ್ನನ್ನು ಪೋಷಿಸಿದ
ತಂದೆ ತಾಯಿಯ
ಉಪಕಾರವನ್ನು ಮರೆತು
ಅವರ ಸ್ವಪ್ನವನ್ನು ಮುರಿದು
ಅಪಮಾನ ಮಾಡಿ
ಮನೆಯಿಂದ ಹೊರ ದೂಡಿ
ವೃದ್ಧಾಶ್ರಮ ಸೇರಿಸುವ
ಮಕ್ಕಳ ನೀಚ ಸಂಸ್ಕೃತಿ ಮಾರಾಟಕ್ಕೆಇದೆ !
by ಹರೀಶ್ ಶೆಟ್ಟಿ, ಶಿರ್ವ
No comments:
Post a Comment