Sunday 18 January 2015

ಪರುಷಮಣಿ

ಇಲ್ಲ ಈಗ
ಆ ಪರುಷಮಣಿ ನನ್ನತ್ತಿರ
ಕಳೆದು ಹೋಗಿದೆ ನನ್ನಿಂದ
ಕಷ್ಟ ಎಂಬುದು
ಬರಲೇ ಇಲ್ಲ ಎಂದು ಹೇಳಲಾರೆ
ಆದರೆ
ಒಳ್ಳೆ ರೀತಿಯಲ್ಲಿ
ಸಾಗುತ್ತಿತ್ತು ಈ ಬದುಕು
ಆ ಪರುಷಮಣಿಯ ಮಾಯೆಯಿಂದ

ಬದುಕು ಈಗಲೂ ಸಾಗುತ್ತಿದೆ
ಆದರೆ
ನೀರಸ
ಕೇವಲ ಪ್ರಾಯೋಗಿಕ
ಒಮ್ಮೆ ಒಮ್ಮೆ
ಸ್ವತಃ ತನ್ನನ್ನೇ ತೆಗಳಬೇಕೆಂದಾಗುತ್ತದೆ
ಛೇ...!
ಯಾಕೆ ಕಳೆದುಕೊಂಡೆ
ಆ ಪರುಷಮಣಿಯನ್ನು

ಕಷ್ಟ ಈಗಲೂ
ಅಷ್ಟೇನಿಲ್ಲ
ಆದರೆ ಜೀವನದಲಿ
ಒಂದು ಖಾಲಿತನ ತುಂಬಿದೆ
ಆ ಪರುಷಮಣಿಯನ್ನು
ಹುಡುಕಲಿಲ್ಲ ವೆಂದೆನಿಲ್ಲ
ಹುಡುಕಿದೆ
ಆದರೆ ಸ್ವತಹ ಕಳೆದುಕೊಂಡ
ಬಹುಮೂಲ್ಯ ವಸ್ತು
ಎಲ್ಲಿ ಪುನಃ ಪಡೆಯಲಾಗುತ್ತದೆ

ಸಾಗಿದೆ ಬದುಕು
ಒಂದೇ ದಾಟಿಯಲಿ
ಗುರಿ ಎಂಬದು ಯಾವುದೇ ಇಲ್ಲ
ಕೇವಲ ಕೆಲವು
ಜವಾಬ್ದಾರಿ ಇದೆ
ಅದನ್ನು ಒಳ್ಳೆಯ
ರೀತಿಯಿಂದ ನಿಭಾಯಿಸಿದರೆ ಆಯಿತು
ಇನ್ನೊಬ್ಬರ ಜೀವನಕ್ಕೆ
ನಾನೊಂದು ಪರುಷಮಣಿ ಆಗಿ
ಬದುಕಿಗೆ ಒಂದು ಅರ್ಥ
ನೀಡಿದರೆ ಸಾಕು
ಜೀವನ ಸಫಲ

by ಹರೀಶ್ ಶೆಟ್ಟಿ, ಶಿರ್ವ  

2 comments:

  1. ನಾನೊಂದು ಪರುಷಮಣಿಯಾಗುವ ಸಾರ್ಥಕ್ಯದತ್ತ ಮನಸು ಚಿಂತಿಸದಂದೇ ಜನುಮ ಸಾರ್ಥಕ.

    ReplyDelete
  2. ತುಂಬಾ ಧನ್ಯವಾದಗಳು ಬದರಿ ಸರ್.

    ReplyDelete