ಅನುಭೂತಿ

ಇಂದು ಸ್ವಲ್ಪ ಹೆಚ್ಚು ಸಮಯ
ನಾನಲ್ಲಿ ಕಳೆದೆ
ಆ ನೀಲ ಪರ್ವತ
ಅದೇಕೋ ಇಂದು ಬಹಳ ಸುಂದರವಾಗಿ ಕಂಡು ಬರುತ್ತಿತ್ತು
ಏಕಾಂತದಲಿ ಆ ತಂಪು ಪವನ
ಅದೇಕೋ ಇಂದು ಮನಸ್ಸಿಗೆ ಸ್ವಲ್ಪ ಸಮಾಧಾನ ನೀಡುತ್ತಿತ್ತು
ಇದು ಅವಳ ಸ್ಪರ್ಶವೇ?
ಅಥವಾ ನನ್ನ ಭ್ರಮೆಯೆ?
ಏನಿದು?
ಏಕಾಂತದ ಅಭ್ಯಾಸ ಮಾಡಿಕೊಂಡಿದ
ನನಗೆ
ಇಂದು ಯಾಕೆ ಎಲ್ಲವೂ
ಸುಂದರವಾಗಿ ಕಾಣುತ್ತಿತ್ತು
ಒಹ್! ಹೌದು
ಇಂದು ಅವಳ ಮತ್ತು ನನ್ನ
ಮೊದಲ ಭೇಟಿಯ ದಿನ ತಾನೇ
ಅದಕ್ಕೆ ಈ ರೀತಿಯ ಅನುಭೂತಿ ಆಗುತ್ತಿದೆ
ಈ ಏಕಾಂತದಲ್ಲೂ
ನಾನು ಏಕಾಂಗಿಯಾಗಿ ಇರಲಿಲ್ಲ
ಎಂಬ ಸಂದೇಶ ನೀಡುತ್ತಿದೆ

by ಹರೀಶ್ ಶೆಟ್ಟಿ, ಶಿರ್ವ