ನನಗೆ ಇಂದೂ ಮರೆಯಲಾಗಲಿಲ್ಲ
ಆ ಒಂಚೂರು ಪ್ರೀತಿಯ ಮರೆಯಲಿ
ಅಡಗಿ ಹೋಯಿತು
ನಿನ್ನ ಶುಷ್ಕ ವ್ಯವಹಾರ
ನಿನ್ನ ಅನವಶ್ಯಕ ಕೋಪ
ನಿನ್ನ ಹೃದಯ ಭೇದಿಸುವ ಮಾತುಗಳು!
ನಿನ್ನ ಅಲ್ಪ ಸಮಯದ ಆ ಜೊತೆ
ಇಂದು ನನ್ನನ್ನು
ಕಣ್ಣೀರ ಸಾಗರದಲಿ ಮುಳುಗಿಸಿದೆ
ಸಹನಶೀಲತೆ ಮುಗಿದಿದೆ
ಪ್ರೀತಿಯ ಆ ತುಂತುರು ಮಳೆ
ಇಂದೂ ನನ್ನ ಮನಸ್ಸಿನ
ನೋವ ಸಸಿಯನ್ನು
ಮರವಾಗಿ ಬೆಳೆಸಿದೆ !
ವಸಂತ ಋತು ಸಮಯದ
ನಮ್ಮ ಪ್ರೀತಿಯ ಪ್ರಥಮ ಮಿಲನ
ಇಂದು ದುಃಖದ
ಶರತ್ಕಾಲದ ಋತುವಾಗಿ
ಪ್ರೀತಿಯ ಎಲೆಗಳೆಲ್ಲ
ಒಂದೊಂದಾಗಿ ಉದುರಿ ಹೋಗಿದೆ
ಆದರೂ ನಿನ್ನ ಆ ಒಂಚೂರು ಪ್ರೀತಿ
ನನಗೆ ಇಂದೂ ಮರೆಯಲಾಗಲಿಲ್ಲ !
by ಹರೀಶ್ ಶೆಟ್ಟಿ, ಶಿರ್ವ
No comments:
Post a Comment