ತೂಗುವಾಗ ಕರ್ಕಶ ಸ್ವರ
ಸಡಿಲಾದ ಮೊಳೆ
ಬೀಳುವ ಭಯ
ಮಲಗಿದ ಬಾಲ್ಯ
ಆದರೂ ಅರಳುತಿದೆ ಮಗುವಿನ ಮುಖದಲಿ ಹಾಸ!
ಹಸಿರು ಫಲಭರಿತ ಮರ
ಗಾಳಿಯ ವೇಗ
ಬೀಳುವ ಹಣ್ಣು
ಪೂರ್ಣ ರಸಭರಿತ
ಹಕ್ಕಿ ಪ್ರಾಣಿಗಳಿಗೆ ಸಂತಸ
ಆದರೂ ಹಲವು ಹಣ್ಣುಗಳಿಗೆ ಕೊಳೆಯುವ ಭಾಗ್ಯ!
ಡೊಂಕು ರಸ್ತೆ
ವಾಹನದಲಿ ನಿಯಂತ್ರಣ
ಚಂಚಲ ಯೌವನ
ಓಡುವ ಇಂಧನ
ಅಪಘಾತದ ಸಂಭವನ
ಆದರೂ ವೇಗದಿಂದ ತಲುಪುವ ಮನ !
ಸಿಹಿ ನೀರ ಬಾವಿ
ತುಂಬಿದ ಕೊಡಪಾನ
ಎಲ್ಲ ಹಸಿರು ಹಸಿರು
ಪರಿಸರ ಶಾಂತ
ದಣಿದ ಪ್ರವಾಸಿಗರಿಗೆ ಅಮೃತ
ಆದರೂ ಅನೇಕರ ತಣಿಸದ ದಾಹ !
ಮನ ಚರಂಡಿ ಕಲುಷಿತ ನೀರು
ಎಲ್ಲ ಮಲಿನ ಮಲಿನ
ಜೀವ ಜಂತು ಹೂಳು ಕೊಳೆ ಪಾಚಿ
ಕ್ರಿಮಿ ಕೀಟಗಳ ವಸತಿ
ರೋಗ ದುರ್ವಾಸನೆ ಸೊಳ್ಳೆಗಳು
ಆದರೂ ಪ್ರಜ್ಞಾಹೀನ ಮನುಜ ಮತಿ !
by ಹರೀಶ್ ಶೆಟ್ಟಿ, ಶಿರ್ವ
No comments:
Post a Comment