ಎಲ್ಲರೂ ಅನನ್ಯ

ನಾನೊಂದು ಗುಲಾಬಿ ಹೂವು
ನನ್ನದೊಂದು ರೂಪ
ನನ್ನದೇ ಒಂದು ಸ್ವರೂಪ
ನನ್ನದೊಂದು ಸುಗಂಧ
ಮಲ್ಲಿಗೆಯ ಪರಿಮಳ ಹರಡು ಎಂದರೆ
ನನ್ನಿಂದ ಸಾಧ್ಯವೇ ?

ನಾನೊಂದು ಸಣ್ಣ ಮೀನು
ನನ್ನದೊಂದು ಆಕಾರ
ನನ್ನದೇ ಒಂದು ಪ್ರಕಾರ
ನನ್ನದೊಂದು ವೇಗ
ದೊಡ್ಡ ಮೀನಿನ ಗತಿಯಿಂದ ಈಜು ಎಂದರೆ
ನನ್ನಿಂದ ಸಾಧ್ಯವೇ ?

ನಾನೊಂದು ಪುಟ್ಟ ಹರಿಯುವ ನದಿ
ನನ್ನದೊಂದು ಪ್ರಯಾಣ
ನನ್ನದೇ ಒಂದು ತಾಣ
ನನ್ನದೊಂದು ಪ್ರವಾಸ
ಸಮುದ್ರದಂತೆ ವಿಶಾಲವಾಗಿ ಹರಿ ಎಂದರೆ
ನನ್ನಿಂದ ಸಾಧ್ಯವೇ ?

ನಾನೊಬ್ಬ ಸಾಧಾರಣ ಕವಿ
ನನ್ನದೊಂದು ಚಿಂತನೆ
ನನ್ನದೇ ಒಂದು ವಿಚಾರ
ನನ್ನದೊಂದು ಶೈಲಿ
ಮಹಾನ ಕವಿಗಳಂತೆ ಬರೆ ಎಂದರೆ
ನನ್ನಿಂದ ಸಾಧ್ಯವೇ ?

ಎಲ್ಲರ ಬೇರೆ ಬೇರೆ ಉದ್ದೇಶ 
ಹಲವು ತರಹದ ಸನ್ನಿವೇಶ
ಅವರವರ ಗುಣ, ಸಾಮರ್ಥ್ಯ
ಎಲ್ಲವೂ ಉತ್ತಮ, ಗಣ್ಯ
ಎಲ್ಲವೂ, ಎಲ್ಲರೂ ಅನನ್ಯ 
by ಹರೀಶ್ ಶೆಟ್ಟಿ, ಶಿರ್ವ