ಅಮ್ಮ ನೀನು ನೆಲೆಸು ನನ್ನ ಮನದಲಿ,
ಇರಲಿ ನಿನ್ನ ವಾಸ ನನ್ನ ಮನೆಯಲಿ,
-
ಬೆನ್ನ ಹಿಂದೆ ನೀನು ನಿಂತಿರು ನನ್ನ ಕಷ್ಟದಲಿ,
ಹೃದಯದಲ್ಲಿರು ನೀನು ನನ್ನ ಆನಂದದಲಿ,
ಸದಾ ನಿನ್ನ ಸ್ಮರಣೆ ಇರಲಿ ನನ್ನ ಬದುಕಲಿ,
ಅಮ್ಮ ನೀನು ನೆಲೆಸು ನನ್ನ ಮನದಲಿ....
-
ನವರಾತ್ರಿಯ ನವದುರ್ಗೆ ಅವತಾರದ ನಿನ್ನ ಗುಣಗಳು,
ನಿನ್ನ ಶಕ್ತಿ ಸಾಹಸದ ಅನೇಕ ಕಥೆಗಳು,
ಸದಾ ನನ್ನಲಿದ್ದು ನನ್ನನ್ನು ಪ್ರೇರಿಸಲಿ,
ಅಮ್ಮ ನೀನು ನೆಲೆಸು ನನ್ನ ಮನದಲಿ....
-
ಕೋಟಿ ಕೋಟಿ ಜನರಿಗೆ ನೀನು ಸ್ಫೂರ್ತಿ,
ದಿನ ನಿತ್ಯ ಮಾಡುವರು ನಿನ್ನ ಬಕುತಿ,
ಸದಾ ಭಕ್ತರಲ್ಲಿ ನಿನ್ನ ಅನುಗ್ರಹ ಇರಲಿ,
ಅಮ್ಮ ನೀನು ನೆಲೆಸು ನನ್ನ ಮನದಲಿ....
-
by ಹರೀಶ್ ಶೆಟ್ಟಿ, ಶಿರ್ವ
No comments:
Post a Comment