ಕಾತ್ಯಾಯಿನಿ ದೇವಿ

ನವದುರ್ಗೆಯ ಆರನೇ ಅವತಾರ,

ಕಾತ್ಯಾಯಿನಿ ದೇವಿ ನಿನಗೆ ನಮಸ್ಕಾರ,

ನವದುರ್ಗೆಯ...

ಪ್ರಕಾಶಮಾನ ದೈವಿಕ ರೂಪ,

ಶಕ್ತಿಯ ಸ್ವರೂಪ,

ನೆಚ್ಚಿನ ದೇವತೆ ನೀನು ನಮ್ಮೆಲ್ಲರ,

ಸ್ವರ್ಣವರ್ಣ ನಾನಾಲಂಕಾರ ಭೂಷಿತ ಕಾತ್ಯಾಯಿನಿ ದೇವಿ ನಿನಗೆ ನಮಸ್ಕಾರ,

ನವದುರ್ಗೆಯ...

ಕಮಲ ಒಂದು ಕೈಯಲ್ಲಿ,

ಖಡ್ಗ ಇನ್ನೊಂದು ಕೈಯಲ್ಲಿ ,

ಭಕ್ತರಿಗೆ ಆಶಿರ್ವಾದ ನೀಡುವ ಮುದ್ರೆ ಹೊಂದಿದೆ ನಿನ್ನ ಇನ್ನೆರಡು ಕರ,

ಸಿಂಹಾರೂಢ ಚತುರ್ಭುಜ ಕಾತ್ಯಾಯಿನಿ ದೇವಿ ನಿನಗೆ ನಮಸ್ಕಾರ,

ನವದುರ್ಗೆಯ...

ದೃಷ್ಟಿಯಲ್ಲಿ ಕಾಂತಿ,

ಯುದ್ಧದಲ್ಲಿ ಪರಿಣತಿ,

ಮಹಿಷಾಸುರನ ಮಾಡಿದೆ ನೀನು ಸಂಹಾರ,

ಯುದ್ಧದ ದೇವತೆ ಕಾತ್ಯಾಯಿನಿ ದೇವಿ ನಿನಗೆ ನಮಸ್ಕಾರ,

ನವದುರ್ಗೆಯ...

ಓಂ ಶ್ರೀ ಸಿಂಹಾರೂಢ ದೇವಿ,

ಓಂ ಶ್ರೀ ಮಹಿಷಾಸುರ ಮರ್ದಿನಿ,

ಓಂ ಶ್ರೀ ದೇವಿ ಕಾತ್ಯಾಯಿನ್ಯೈ ನಮ||

by ಹರೀಶ್ ಶೆಟ್ಟಿ, ಶಿರ್ವ