ದೇವಿ ಚಂದ್ರಘಂಟ

ಚಂಡಿಕಾ ನೀನು, 

ರಣಚಂಡಿ ನೀನು,

ದುರ್ಗೆಯ ಮೂರನೇ ಅವತಾರವೇ ನೀನು,

ಮಸ್ತಕದಲ್ಲಿ ಅರ್ಧಚಂದ್ರ ಧರಿಸಿದವಳು ದೇವಿ ಚಂದ್ರಘಂಟ ನೀನು.....

ಚಿನ್ನದ ಮೈಬಣ್ಣ,

ದಶ ಕೈಗಳು ನಿನ್ನ,

ಎಲ್ಲಾ ಕೈಗಳಲ್ಲೂ ಶಸ್ತ್ರ ನಿನ್ನ,

ದುಷ್ಟ ಶಕ್ತಿಗಳ ಸಂಹಾರಕ್ಕೆ ಸದಾ ಸಿದ್ಧವಾಗಿರುವ ಸಿಂಹವಾಹಿನಿ ನೀನು,

ಚಂಡಿಕಾ ನೀನು.....

ಕರುಣಾಳು ನೀನು,

ಉಪಕಾರಿ ನೀನು,

ಸದಾ ತೆರೆದೇ ಇರುವುದು ನಿನ್ನ ಮೂರನೇ ಕಣ್ಣು,

ಸಕಲ ಜೀವಿಗಳಿಗೆ ಸುಖ ಸಂಪತ್ತು ಸಮೃದ್ಧಿ ನೀಡುವ ಆದಿಶಕ್ತಿ ನೀನು,

ಚಂಡಿಕಾ ನೀನು.....

ಓಂ ಶ್ರೀ ದೇವಿ ಚಂಡಿಕಾ ನಮಃ,

ಓಂ ಶ್ರೀ ದೇವಿ ರಣಚಂಡಿ ನಮಃ,

ಓಂ ಶ್ರೀ ದೇವಿ ಚಂದ್ರಘಂಟಾಯೈ ನಮಃ॥

by ಹರೀಶ್ ಶೆಟ್ಟಿ, ಶಿರ್ವ