ಮರಳ ಮೇಲೆ ನಿನ್ನ ಸುಂದರ ಚಿತ್ರ

                                                        ಚಿತ್ರಕೃಪೆ : Google

ನೀನು ಬಾರದೆ ಇದ್ದ ಆ ಸಂಜೆ
ನಿನ್ನನ್ನು ಕಾಯುತ್ತಾ ನಾನು
ಕಡಲ ಮರಳ ಮೇಲೆ
ನಿನ್ನ ಒಂದು
ಸುಂದರ ಚಿತ್ರ ಬರೆದಿದ್ದೆ

ಕತ್ತಲು ಕವಿದರೂ
ನೀನು ಬಾರದಿದ್ದಾಗ
ಮರಳ ಮೇಲೆ ಬರೆದ
ನಿನ್ನ ಚಿತ್ರವನ್ನು
ಹೀಗೆಯೇ ಬಿಟ್ಟು ಹೋಗಲು
ಮನಸ್ಸು ಒಪ್ಪಿರಲಿಲ್ಲ

ಆದರೆ ಅಂದು ಕಡಲು
ತನ್ನ ರೌದ್ರ ರೂಪ ತಾಳಿ
ತನ್ನ  ಪ್ರವಾಹದಿಂದ
ನಾ ಬರೆದ ನಿನ್ನ
ಚಿತ್ರವನ್ನು ಕೊಚ್ಚಿಹೋದವು

ನನಗಾದ
ತೀವ್ರ ವೇದನೆಯಿಂದ
ಆಗಸಕ್ಕೂ ಬೇಸರವಾಯಿತೇನೋ
ಅದೂ ತನ್ನ ಕಣ್ಣೀರು ಸುರಿಸಿ
ತನ್ನ ಸಂವೇದನೆ ಸೂಚಿಸಿದವು

ಆ ನಂತರ ಹೇಗೋ
ಭಾರ ಹೃದಯದಿಂದ
ಮೆಲ್ಲ ಮೆಲ್ಲನೆ
ಹೆಜ್ಜೆ ಇಟ್ಟು
ಮನೆಯತ್ತ ನಡೆದಿದ್ದೆ

ನಾನು
ಪೂರ್ಣ ಒದ್ದೆಯಾಗಿದ್ದರಿಂದ
ನನ್ನ ಕಣ್ಣೀರು
ಮನೆಯಲ್ಲಿ
ಯಾರಿಗೂ ಕಂಡು ಬಂದಿರಲಿಲ್ಲ

by ಹರೀಶ್ ಶೆಟ್ಟಿ, ಶಿರ್ವ