Monday 24 February 2014

ಬರಹ

ಅವನು ಪುಸ್ತಕ ತೆರೆದು ನೋಡಿದ
ಬರಹಗಳೆಲ್ಲ ಅಳುತ್ತಿದ್ದವು
ಓದುಗರಿಲ್ಲದೆ 
---------

ಭಾವಗಳ ನದಿ ಹರಿಯುತ್ತಿತ್ತು 
ಆದರೆ ಬರಹದ ದೋಣಿ ತೇಲಲಿಲ್ಲ 
ಬರಹಗಳು ತುಂಬಿ ತುಳುಕುತ್ತಿತ್ತು

----------

ಅರ್ಥವಾಗದ ಬರಹ
ತುಂಬಾ ಜನ ಭೇಷ್ ಭೇಷ್ ಎಂದು ಹೊಗಳಿದರು
ಕವಿಗೆ ಆಶ್ಚರ್ಯ ಅಂಥದೇನು ಬರೆದೆಯೆಂದು

---------

ಕವಿಗೆ ಫೇಸ್ ಬುಕ್'ಲ್ಲಿ ಲೈಕ್ ಒತ್ತುವ
ಅಭಿಮಾನಿಯ ಭೇಟಿ
ಅಭಿಮಾನಿ ಹೋದ ಮೇಲೆ ತಿಳಿಯಿತು
ಅವನ ಹೆಚ್ಚಿನ ಕವನಗಳನ್ನು ಅವನು ಓದಲೇ ಇಲ್ಲವೆಂದು

--------

ಅವನು ಒಳ್ಳೆ ಬರೆಯುತ್ತಿದ್ದ
ಮನಸ್ಸಲ್ಲಿ ಬಂದ ಭಾವಗಳನ್ನು
ಕಾಗದಕ್ಕೆ ಚೆಲ್ಲುತ್ತಿದ್ದ
ಕತೆ, ಕವನ, ಹನಿ, ಚುಟುಕು, ಹಾಯ್ಕು
ಏನೆಂದು ತಿಳಿಯುವ ಗೋಚರಕ್ಕೆ ಅವನು ಹೋಗಲಿಲ್ಲ

by ಹರೀಶ್ ಶೆಟ್ಟಿ,ಶಿರ್ವ

2 comments:

  1. ಇಂದಿನ ಕವಿ ಮತ್ತು ಓದುಗನ ನಿಜ ಸ್ಥಿತಿಯ ಅನಾವರಣ.

    ReplyDelete
  2. ತುಂಬಾ ಧನ್ಯವಾದಗಳು ಬದರಿ ಸರ್.

    ReplyDelete