Tuesday 10 September 2013

ಕೆಲವು ಹನಿ

ಗೆಳತಿ...
ನನ್ನ 
ಪ್ರೇಮ ಕವಿತೆಯಲಿ 
ನೀನು ವ್ಯಾಕರಣ ಹುಡುಕಿದರೆ 
ಹೇಗೆ ಹೇಳು 
ಈ ಹೃದಯಕ್ಕೆ 
ವ್ಯಾಕರಣ ತಿಳಿಯದು
ಇದರಿಂದ ಹೊರಟ 
ಮಾತಲ್ಲಿ ಇರುವುದು 
ಕೇವಲ ಪ್ರೀತಿ ರಸ 
ಇಲ್ಲಿ ನಿನಗೆ ವ್ಯಾಕರಣ ಸಿಗದು 
by ಹರೀಶ್ ಶೆಟ್ಟಿ,ಶಿರ್ವ

*******************

ಗೆಳತಿ...
ಈ ಸಾಗರದ ಅಲೆಗಳು
ನಿಷ್ಠುರ
ಮೊದಲು 
ನಮ್ಮ ಮರಳ ಮನೆ 
ಕೊಚ್ಚಿ ಕೊಂಡೊಯ್ಯುತ್ತಿತ್ತು 
ಈಗ ನಾನು 
ಮರಳ ಮೇಲೆ ಬರೆದ 
ನಿನ್ನ ಹೆಸರನ್ನು 
ಅಳಿಸುತ್ತಿದೆ 
by ಹರೀಶ್ ಶೆಟ್ಟಿ,ಶಿರ್ವ

******************

ಗೆಳತಿ...
ಮರದಿಂದ ಬಿದ್ದ 
ಒಣಗಿದ ಎಲೆಗಳಿಗೂ 
ನನ್ನ ಮೇಲೆ ಅನುಕಂಪ 
ಗಾಳಿಯ ರಭಸವನ್ನು 
ಸಹಿಸುತ 
ಬಂದು ಬಂದು 
ನನ್ನನ್ನು ಅಪ್ಪಿಕೊಳ್ಳುತ್ತಿವೆ 
by ಹರೀಶ್ ಶೆಟ್ಟಿ,ಶಿರ್ವ

*****************

ಗೆಳತಿ... 
ನನ್ನಲ್ಲಿ
ನಿನ್ನಲ್ಲಿ 
ಎಲ್ಲಿಯ ಹೋಲಿಕೆ ಹೇಳು 
ನೀನು ಮಧುರ ಹಾಡು 
ಹಾಡುವ ಕೋಗಿಲೆ 
ನಾನು ಕೆಲಸ ಇಲ್ಲದೆ 
ಕಾವ್ ಕಾವ್ ಎನ್ನುವ ಕಾಗೆ 
by ಹರೀಶ್ ಶೆಟ್ಟಿ, ಶಿರ್ವ

No comments:

Post a Comment